Жыхар Баранавічаў зрабіў ДНК-тэст, каб дачку не адправілі ў дзіцячы дом
36-гадовы мужчына разам з жонкай выхоўваў сямёра дзяцей, адна з дзяўчынак нарадзілася да заключэння шлюбу. У пасведчанні аб нараджэнні дзіцяці ўказана прозвішча маці, звесткі аб бацьку адсутнічаюць.
Фота: Дзяржкамітэт судовых экспертыз
У 2024 годзе шматдзетная маці была асуджана і накіравана для адбывання пакарання ў месцы пазбаўлення волі. У сувязі з тым, што дзіця засталося без апекі, гэту дзяўчынку змясцілі ва ўстанову аховы здароўя для далейшага афармлення ў дзіцячы дом.
Каб вярнуць дзіця і даказаць бацькоўства, мужчына звярнуўся ў суд. Для ўстанаўлення біялагічнага сваяцтва прызначана судовая генетычная экспертыза.
Эксперты ўпраўлення Дзяржаўнага камітэта судовых экспертыз па Брэсцкай вобласці пацвердзілі бацькоўства мужчыны ў адносінах да 8-гадовай дзяўчынкі.
Трамп падзякаваў «магутнаму лідару Беларусі»: Спадзяюся, 1300 чалавек хутка будуць вызвалены!55
Каментары