У ледавіку каля Антарктыды знайшлі цела навукоўца, які загінуў у 1959 годзе
Каля Антарктыды ў ледавіку знайшлі парэшткі брытанскага даследчыка Дэніса Бела, які загінуў ажно 66 гадоў таму, паведамілі ў Брытанскай антарктычнай службе.
Дэніс Бел загінуў у 1959 годзе ва ўзросце 25 гадоў, калі падчас паходу на ледавік для геадэзічных і геалагічных даследаванняў праваліўся ў трэшчыну.
Спачатку яго ўдалося часткова падняць з глыбіні каля 30 метраў, але пасля вяроўка абарвалася і ён зноў упаў. Пасля гэтага мужчына ўжо не падаваў прыкмет жыцця. Пошукі доўжыліся 12 гадзін, але ўмовы снежнай буры і глыбіня ледавіка зрабілі выратаванне немагчымым.
Цела брытанца заставалася ў ледавіку да студзеня 2025 года, калі польскія даследчыкі выявілі яго дзякуючы таянню лёду. Ідэнтыфікацыю правялі па ДНК, і цяпер сям’я змагла афіцыйна пахаваць парэшткі навукоўца праз 66 гадоў пасля трагедыі.
Дэніс Бел быў старэйшым з чатырох дзяцей у сям’і з Лондана. Ён працаваў радыстам, а потым метэаролагам у арганізацыі Falkland Islands Dependencies Survey і ў 1958 годзе адправіўся ў двухгадовую экспедыцыю на востраў Кінг-Джордж, што прыкладна за 120 км ад Антарктыды.
Кіраўніца Брытанскай антарктычнай службы Джэйн Фрэнсіс назвала знаходку кранальным момантам і адзначыла, што Бел быў адным з тых мужных супрацоўнікаў, якія ўнеслі свой уклад у раннія навуковыя даследаванні Антарктыды ў вельмі суровых умовах.
Цяпер чытаюць
На «Гродна Азоце» скончыў жыццё самагубствам намеснік начальніка цэха1
На «Гродна Азоце» скончыў жыццё самагубствам намеснік начальніка цэха
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары