Міністр абароны Інданезіі Шафры Шамсуддзін прыбыў у Беларусь 28 ліпеня, аднак ні Міністэрства абароны Інданезіі, ні інданезійскія СМІ не паведамляюць пра яго візіт ні слова, заўважыў Reform.news.
Як у панядзелак паведаміла прэс-служба Міністэрства абароны Беларусі, Шамсудзін прыбыў для абмеркавання двухбаковага ваеннага супрацоўніцтва і сустрэўся з начальнікам Генштаба, першым намеснікам міністра абароны Беларусі Паўлам Муравейкам.
Перад паездкай у Беларусь Шамсудзін знаходзіўся з візітам у Турцыі 27 ліпеня, дзе правёў перамовы з міністрам абароны краіны і кіраўніком Упраўлення абароннай прамысловасці Турцыі, а таксама падпісаў дамову на пастаўку ў Інданезію 48 турэцкіх знішчальнікаў KAAN.
Міністэрства абароны Інданезіі апублікавала некалькі прэс-рэлізаў, прысвечаных візіту ў Турцыю, але прамаўчала пра візіт у Беларусь. Найбуйнейшыя СМІ Інданезіі, у тым ліку дзяржаўнае навінавае агенцтва Antara, таксама нічога не паведамлялі пра паездку міністра ў Беларусь.
Цяпер чытаюць
«Паўстання такіх памераў у Беларусі ніколі не было». Гісторык расказаў, чым унікальны 2020-ты і што мы возьмем з яго на будучыню24
Каментары