Незвычайны варыянт афармлення прасторы заўважыў карыстальнік TikTok. Кватэра з тэрасай, на якой хочацца затрымаць позірк, знаходзіцца ў «Новай Баравой», піша Onliner.by.
У 2018‑м колер сцен прасторных (і дарагіх) тэрас абмяркоўвалі ўсім светам: ярка‑аранжавы прыйшоўся далёка не ўсім па густу.
«Мы аплачвалі тэрасы з імітацыяй цэглы, як і фасад будынка. А атрымалі гарбузовае нешта?!», «Нам шмат чаго абяцалі, і я цяпер не ведаю, як на псіхадэлічнай лоджыі чай піць — нават столь аранжавая», — абураліся некаторыя дольшчыкі.
Але знайшліся і тыя, хто падтрымаў канцэпт — у іх аранжавы колер асацыяваўся з сонцам. Гады прайшлі, страсці ўлягліся. З аранжавым усе змірыліся. І нават, як бачым, пачалі ўпрыгожваць прастору.
На «карціннай» тэрасе можна ўбачыць як прыродныя замалёўкі, так і саму «Мону Лізу». Усяго на сценах вісіць каля паўтары дзясяткі карцін.
Яшчэ адна тэраса ў тым жа квартале ператварылася ў бар на свежым паветры. Постарам, якімі разбавілі колер, таксама знайшлося месца.
Каментары