Лукашэнка загаварыў пра прарасійскасць Ціханоўскага, баючыся назваць яго імя
Аляксандр Лукашэнка на ўрачыстым сходзе, прысвечаным 3 ліпеня, згадаў пра нядаўняе вызваленне палітвязняў у рамках дамоўленасці з амерыканскім бокам.
Лукашэнка запэўніў, што ініцыятарам перамоваў былі амерыканцы.
Пры гэтым, як ён сцвярджае, амерыканцы нібыта не прасілі выпускаць Сяргея Ціханоўскага, бо лічаць яго «прарасійскім».
Выпусціў жа яго Лукашэнка, маўляў, па сваёй ініцыятыве.
Лукашэнка пабаяўся называць Ціханоўскага па прозвішчы, апісаў яго «адзін з беглых, якога асабіста я выпусціў».
Услед за гэтым Лукашэнка згадаў і прэс-канферэнцыю Ціханоўскага, і яго шматлікія заявы пасля вызвалення:
Нібыта «амерыканцы паабяцалі — ніхто нідзе ў СМІ выступаць не будзе. І толькі выехалі, выйшлі з бусіка — і адразу заявы ў СМІ. Рыданні гэтыя. А мы ведаем, хто і як іх ноччу рыхтаваў».
Адметна, што беларускія дзяржаўныя медыя не асвятлялі прэс-канферэнцыю Сяргея Ціханоўскага, таму іх аўдыторыя тэарэтычна не павінна ведаць, пра што казаў экс-палівязень. Аднак Лукашэнка апелюе да тых, хто чытае навіны ў сацсетках і ў незалежных СМІ.
Цяпер чытаюць
Музыка, маляванне і танцы ў школах і гімназіях — усё? Што вядома пра скарачэнні настаўнікаў-эстэтыстаў5
Музыка, маляванне і танцы ў школах і гімназіях — усё? Што вядома пра скарачэнні настаўнікаў-эстэтыстаў
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча1212
Каментары