Пасол Славакіі салідарызаваўся з Лукашэнкам і выступіў супраць падтрымкі Украіны
Пасол Славакіі ў Беларусі Ёзэф Мігаш у інтэрв’ю тэлеканалу «Беларусь 1» выказаўся супраць паставак заходняй зброі ва Украіну. Ён лічыць, што «напампоўванне» краіны зброяй толькі аддаляе магчымасць мірнага вырашэння канфлікту.
Ёзэф Мігаш падкрэсліў, што самая лепшая вайна — гэта тая, якая ніколі не пачыналася. Калі ў вайне выкарыстоўваюцца самалёты і танкі — гэта, маўляў, не выхад з яе. Ён лічыць, што шлях да вырашэння крызісу — перамовы, і падтрымлівае ў гэтым Аляксандра Лукашэнку. Таксама ён ухвальна выказаўся пра яшчэ адно выказванне Лукашэнкі: «Для маёй краіны самае важнае — мір і дабрабыт народа».
Мігаш заявіў, што хоча аднавіць добрыя адносіны паміж Беларуссю і Славакіяй, бо лічыць, што гэтыя славянскія краіны маюць шмат агульнага і не павінны быць ворагамі.
Таксама славацкі дыпламат з абурэннем адзначыў, што з-за санкцый ЕС яму давялося прыязджаць у Беларусь на ўласным аўтамабілі.
Паводле слоў прадстаўніка Славакіі, Беларусь перажыла генацыд, і ён збіраецца ўзяць удзел у мерапрыемствах 22 чэрвеня ў Брэсце ў памяць аб пачатку вайны нацысцкай Германіі з СССР.
Ён заявіў, што «будзе гэтую праўду абараняць» і падкрэсліў, што Еўропу вызваліла Чырвоная Армія, без якой славянам «была б бяда».
Цяпер чытаюць
«Я стаў шчаслівы». Праца на будоўлі прыносіць добрыя грошы, а грамадская актыўнасць — маральную сілу. Былы каліновец Кусь расказаў пра тое, як вярнуў унутраную раўнавагу8
«Я стаў шчаслівы». Праца на будоўлі прыносіць добрыя грошы, а грамадская актыўнасць — маральную сілу. Былы каліновец Кусь расказаў пра тое, як вярнуў унутраную раўнавагу
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе1010
Каментары