Пад Смалявічамі двое школьнікаў забаўляліся, кладучы цагліну на рэйкі. Да іх прыйшла міліцыя
10 чэрвеня на ўчастку чыгункі паміж Смалявічамі і прыпынкам Чырвоны Сцяг два хлопчыкі ўзросту 11 і 12 гадоў паклалі цагліну на рэйкі. Яны растлумачылі, што хацелі даведацца, што здарыцца, калі цягнік наедзе на чужародны прадмет.
Пасля здарэння супрацоўнікі міліцыі наведалі аднаго з падлеткаў дома і правялі прафілактычную размову з ім і яго бацькамі.
Таксама ў смалявіцкай школе №5 адбыліся сустрэчы з вучнямі, якія знаходзяцца на прафілактычным уліку.
У Доме культуры школьнікам паказалі навучальныя відэаролікі. Супрацоўніца міліцыі Таццяна Субач нагадала правілы паводзін на чыгунцы, расказала пра небяспеку зачэпінгу і змяшчэння розных прадметаў на рэйкі, а таксама пра адказнасць за такія ўчынкі.
Цяпер чытаюць
Мільянер Варабей атрымаў права на забудову цэнтра Мінска — узамен за дарагую клініку для Лукашэнкі7
Каментары