Вучняў, якія з матам парвалі экзаменацыйныя білеты па гісторыі Беларусі, прымусілі выбачацца каля манумента Перамогі
«Здалі гісторыю. Ідзём залівацца сёння. Пайшла нах*й, с*ка, гэта гісторыя я**ная».
У тыктоку з'явіліся відэа, на якіх беларускія дзеці рвуць экзаменацыйныя білеты па гісторыі Беларусі. Шмат хто суправаджае гэта лаянкай.
Так стала папулярным відэа, на якім, як сцвярджаецца, вучні сталічнай школы №175 з непрыхаванай нянавісцю раздзіраюць брашуры з экзаменацыйнымі пытаннямі. «Здалі гісторыю. Ідзём залівацца сёння. Пайшла нах*й, с*ка, гэта гісторыя я**ная», — кажа хлопец.
Праз некаторы час з'явілася відэа з выбачэннямі ў традыцыйным «пакаянным» стылі. Хлопцы — Павел і Даніла — прынеслі па гваздзіку да манумента Перамогі.
«Я хачу папрасіць прабачэння за тое, што парваў білеты па гісторыі Беларусі. Шчыра кажучы, у той момант я не думаў, што гэта нешта большае, чым проста школьныя экзаменацыйныя білеты. Я не ўспрымаў гэта як частку гісторыі Беларусі ці як нешта важнае. Для мяне гэта быў проста стрэс, страх перад экзаменам і стомленасць. Я разумею, што зрабіў няправільна.
Я нікога не хацеў абразіць і, тым больш, праявіць нейкую непавагу да сваёй краіны, і не думаў, што гэта можа быць успрынята так сур’ёзна. Я ўсвядоміў сваю памылку, і мне вельмі сорамна, і мне вельмі шкада, што я такое ўчыніў», — кажа Павел.
«Я прашу прабачэння за свой учынак, за тое, што я парваў білеты па гісторыі Беларусі. Я ніяк не хацеў абразіць гісторыю нашай краіны. Я вельмі паважаю сваіх продкаў, усіх герояў вайны. Мне вельмі шкада за зробленае. Я зрабіў высновы і надалей буду думаць, перш чым нешта рабіць», — дадае Даніла.
Між тым у сеціве — каля дзясятка такіх відэа.
Адно з іх — ад дзвюх дзяўчынак. «Гісторыю Беларусі — у пі**у», — з нянавісцю кажа адна з іх.
Відэа знята на фоне Драздоў, магчыма, дзяўчаты, якія вучацца ці жывуць у гэтым раёне, — дочкі чыноўнікаў ці бізнесменаў.
Цяпер чытаюць
Вучняў, якія з матам парвалі экзаменацыйныя білеты па гісторыі Беларусі, прымусілі выбачацца каля манумента Перамогі47
Каментары