2 чэрвеня на ўсходнім узбярэжжы Сіцыліі зноў актывізаваўся найбуйнейшы ў Еўропе вулкан Этна. Вывяржэнне відаць на некалькі кіламетраў. Улады абвясцілі аранжавы ўзровень авіяцыйнай небяспекі.
Паводле звестак мясцовых геафізікаў, воблака попелу, якое ўтварылася ў выніку вывяржэння, рухаецца на паўднёвы захад. За сітуацыяй уважліва сочаць эксперты Нацыянальнага інстытута геафізікі і вулканалогіі, выкарыстоўваючы сетку назіральных камер.
Этна — адзін з самых актыўных вулканаў у свеце. Яму больш за 350 тысяч гадоў. Ён размешчаны побач з гарадамі Катання і Месіна, а вышыня вулкана пастаянна змяняецца праз частыя вывяржэнні.
На схілах Этны жыве шмат людзей, таму прыкладна раз на паўтара стагоддзя вывяржэнні нішчаць населеныя пункты.
На вулкане налічваецца ад 200 да 400 кратэраў, і прыкладна раз у тры месяцы адзін з іх актывізуецца. Падчас вывяржэнняў Этна звычайна выкідае лаву і попел, прычым лававыя патокі асабліва відовішчныя ўначы.
Першае зафіксаванае вывяржэнне адбылося яшчэ ў 1226 годзе да н. э., а апошняе да цяперашняга — у лютым 2022 года.
Цяпер чытаюць
«Дзве Беларусі. Абедзве едуць на аўтобусах МАЗ. Адзін народ — такі розны лёс»3
Каментары