2 červienia na ŭschodnim uźbiarežžy Sicylii znoŭ aktyvizavaŭsia najbujniejšy ŭ Jeŭropie vułkan Etna. Vyviaržeńnie vidać na niekalki kiłamietraŭ. Ułady abviaścili aranžavy ŭzrovień avijacyjnaj niebiaśpieki.
Pavodle źviestak miascovych hieafizikaŭ, vobłaka popiełu, jakoje ŭtvaryłasia ŭ vyniku vyviaržeńnia, ruchajecca na paŭdniovy zachad. Za situacyjaj uvažliva sočać ekśpierty Nacyjanalnaha instytuta hieafiziki i vułkanałohii, vykarystoŭvajučy sietku naziralnych kamier.
Etna — adzin z samych aktyŭnych vułkanaŭ u śviecie. Jamu bolš za 350 tysiač hadoŭ. Jon raźmieščany pobač z haradami Katańnia i Miesina, a vyšynia vułkana pastajanna źmianiajecca praz častyja vyviaržeńni.
Na schiłach Etny žyvie šmat ludziej, tamu prykładna raz na paŭtara stahodździa vyviaržeńni niščać nasielenyja punkty.
Na vułkanie naličvajecca ad 200 da 400 krateraŭ, i prykładna raz u try miesiacy adzin ź ich aktyvizujecca. Padčas vyviaržeńniaŭ Etna zvyčajna vykidaje łavu i popieł, pryčym łavavyja patoki asabliva vidoviščnyja ŭnačy.
Pieršaje zafiksavanaje vyviaržeńnie adbyłosia jašče ŭ 1226 hodzie da n. e., a apošniaje da ciapierašniaha — u lutym 2022 hoda.
Navukoviec raspavioŭ pra hieałahičnyja zahadki Biełarusi: irtuć ź ziamli i kratar ad padzieńnia mietearyta, jaki źniščyŭ usio žyvoje ŭ radyusie tysiač kiłamietraŭ
Pačaŭ vyviarhacca vielmi niebiaśpiečny vułkan u Hvatemale
Na Havajach pačaŭ vyviarhacca vułkan Kiłauea — adzin z samych aktyŭnych vułkanaŭ u śviecie
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim10
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim
Babaryka i Kaleśnikava pahavaryli ź Inhaj Ruhinienie i zaklikali Litvu «dałučycca da dypłamatyčnych namahańniaŭ ZŠA» i «nie prapuścić akno mahčymaściej»3232
Kamientary