У Гватэмале прачнуўся вулкан Фуэга, які сейсмолагі лічаць адным з самых сейсмічна актыўных у свеце, піша Euronews.
Каля 300 сем'яў ужо эвакуяваныя, але ўлады папярэджваюць, што ў зоне рызыкі знаходзяцца прыкладна 30 000 жыхароў: вулкан размешчаны ўсяго за 60 кіламетрах ад сталіцы гэтай цэнтральнаамерыканскай дзяржавы, якая таксама завецца Гватэмала.
Вывяржэнне пачалося ў ноч на панядзелак. Пра ахвяры і пацярпелых інфармацыі пакуль не паступала.
Улады распарадзіліся аб закрыцці школ і ключавой аўтатрасы, якая злучае некалькі населеных пунктаў у найбліжэйшых раёнах.
Па словах сейсмолагаў, найбольшую небяспеку ўяўляе не само вывяржэнне вулкана, а лахары — гразевыя патокі з вады, попелу, горных парод і камянёў, якія сцякаюць са схілаў і могуць знішчыць цэлыя вёскі.
Вышыня «Чы-гаг» — так вулкан называлі плямёны індзейцаў, што ў перакладзе з іхняй мовы «месца, дзе гарыць агонь» — складае 3763 метры над узроўнем мора. Апошні раз ён праяўляў значную актыўнасць два гады таму.
Вывяржэнне ў 2018 годзе забрала жыцці 194 чалавек, яшчэ 234 зніклі без вестак.
Інтэнсіўнасць вулканічных выкідаў спецыялісты ацэньваюць пакуль як умераную. Але, чакаецца, што патокі лавы ў найбліжэйшы час узмоцняцца, паведаміла мясцовая служба рэагавання ў надзвычайных сітуацыях. Сейсмолагі прагназуюць, што слупы попелу будуць дасягаць вышыні ў 7000 метраў. У сувязі з гэтым авіязносіны над гэтым раёнам Гватэмалы робяцца з абмежаваннямі.
Галыгіна прымусілі апраўдвацца за зварот да сілавікоў у 2020-м17
Галыгіна прымусілі апраўдвацца за зварот да сілавікоў у 2020-м
«Вайна ўсё спіша». Беларускім удзельнікам гей-прайда ў Вільні пагражалі расправай ад імя беларускіх ваяроў за выкарыстанне бела-чырвона-белага сцяга219219
Каментары