«Рускі Пёрл-Харбар». Z-каналы ў шоку ад украінскай атакі на расійскія аэрадромы
Канал «На Zzzzzападном фронте без перемен» сабраў поўныя абурэння і разгубленасці каментарыі Z-каналаў на беспрэцэдэнтную атаку, арганізаваную СБУ, на расійскія аэрадромы.
Украінскія дроны адначасова атакавалі месцы базіравання стратэгічнай авіяцыі — вайсковы аэрадром «Аленья» ў Мурманскай вобласці і авіябазу ў Іркуцкай вобласці ды іншыя аб'екты. Шматлікія стратэгічныя бамбардзіроўшчыкі знішчаныя. Вось што пішуць расійскія каналы пра гэта.
«Стратэгічныя ракетаносцы атакуюць FPV-дроны, запушчаныя проста з месца падзей. Як гэта каментаваць — без паняцця», — «Военный осведомитель».
«У нас няма прыстойных слоў, каб апісаць тое, што адбываецца», — «Повернутые на войне».
«Гэта рускі «Пёрл-Харбар». Спадзяёмся, што адказ будзе такім жа, як у ЗША на напад на Перл-Харбар — або нават больш жорсткім» — Раман Алёхін.
«П…ц, сорам…», — «Окопная грязь».
«Я проста ў ах*і», — «Месть доброй воли».
«Б… хто за гэта будзе адказваць. У мяне слёзы на вачах. Сёння павінны быць масавыя ўдары па ўсіх буйных гарадах Украіны!!!!!!!» — «Позднякоў 3.0».
«Саромеюся спытаць, а «мудры палітык» увогуле разумее, што проста цяпер Расія губляе стратэгічны парытэт з ЗША ў ядзерных узбраеннях і гараць унікальныя самалёты, якіх ужо не выпускаюць?» — Alex Parker Returns.
«Дроны з гаўна і палак знішчаюць элемент ядзернай трыяды», — ZERGULIO.
«Гэта поўны трэш, большасць кіраўнікоў міністэрстваў і ведамстваў павінны пайсці ў адстаўку. Па кадрах відаць: і ў Мурманску, і ў Іркуцку лётаюць звычайныя FPV-дроны, запушчаныя побач… Ва ўсякім разе, стратэгічнай авіяцыі нанесеная каласальная шкода», — «Пора Домой».
«Скажу адно: відаць, хто-небудзь і дагэтуль лічыў, што адлегласць у сучаснай вайне — дастатковы фактар бяспекі. Калі так лічыш і забіваеш х… на раззасяроджванне, на ахову і абарону — атрымліваеш тое, што атрымліваеш.
Пасыпаць галаву попелам няма сэнсу, ёсць сэнс перагледзець падыход да працы і ўвогуле асэнсаванне таго, як трэба ваяваць. Чорны дзень авіяцыі, і няма сэнсу загаворваць гэта непатрэбнымі навінамі, як і няма сэнсу віскатаць, вінавацячы незразумела каго. Трэба працаваць», — «Старше Эдды».
«А цяпер па фактах і падзеях мінулай ночы і сённяшняга дня. Вораг, не маючы дальнабойнай зброі для паражэння стратэгічных ваенных аб’ектаў на тэрыторыі Расіі, пачаў крэатывіць.
Сёння мы бачым комплексную спецаперацыю ўкраінскіх спецслужбаў пад куратарствам спецслужбаў НАТА — найперш Вялікабрытаніі і ЗША — па нанясенні шкоды стратэгічным аб’ектам ваеннай інфраструктуры Расіі.
У выніку добра спланаваных дзеянняў вораг дацягнуўся ўжо да Мурманску і Іркуцка — чаго не было нават падчас Вялікай Айчыннай вайны. Гэта сведчыць пра намеры і магчымасці працягваць вайну. І самае галоўнае — пра здольнасць прымяняць нестандартныя рашэнні ў вядзенні вайны.
Грузавік, набіты дронамі, трэба было абсталяваць, даставіць у раён выканання місіі і правесці тэхнічна складаныя маніпуляцыі па запуску і дыстанцыйным кіраванні. Так, вы не памыліліся: аператары кіравалі імі з тэрыторыі Украіны. Гэта цяпер тэхнічна магчыма. Тое, што нядаўна паказвалі нашы хвалькі, кіруючы дронам з Масква-Сіці на Данбасе — вораг узяў на ўзбраенне і ажыццявіў на практыцы.
Высновы? Іх не будзе. Усё сказана тры гады таму.
Пакуль не пачнем ваяваць па-даросламу і спадзявацца не на «як-небудзь рассмокчацца», нічога не будзе», — «Zаписки Vетерана».
Апытанка
У Эстоніі арыштаваны Алег Маісееў, кажуць яго знаёмыя. Гэта былы кіроўца Ціханоўскай, які з часам стаў яе зацятым крытыкам23
Каментары
Тыповае маскавіцкае крывадушша: робяць паскудзтва, атрымліваюць раўназначную «адказачку», пасьля чаго крычаць «А нас за што?!». Тфу...
Карцстаючыся момантам, перадаю вітанкі лукаботам)