Прэзідэнт Расіі Уладзімір Пуцін падчас сустрэчы з прадстаўнікамі сваёй бізнэс-супольнасці згадаў пра закупкі бульбы ў Беларусі і вельмі здзівіўся, калі яму падказалі, што яна сёлета скончылася не толькі ў Расіі.
Пуцін разважаў, што лепш заўсёды купляць сваю прадукцыю, нават калі яна крыху даражэйшая, і ў якасці прыкладу ўсплыло бульбяное пытанне:
— Вядома, можна і ў Беларусі бульбу закупляць. Яны там вялікія спецыялісты па бульбе, але сваю таксама нядрэнна мець, — сказаў Пуцін.
— Яна там скончылася, — сказаў на гэта намеснік кіраўніка пуцінскай адміністрацыі Максім Арэшкін.
— Як скончылася? — здзівіўся Пуцін.
— Аляксандр Рыгоравіч нарады праводзіць.
— Максім кажа, бульба ў Беларусі скончылася. Нешта такое… — засмяяўся Пуцін.
На рэзананс у сеціве адрэагавала нават прэс-служба Лукашэнкі, таксама размясціўшы ролік з Пуціным і падпісаўшы яго: «Калі што, мы ўжо новую пасадзілі».
Раней паведамлялася, што ў Расіі ўжо з'елі ўсю сваю гародніну і прадаюць у сваіх крамах толькі імпартную.
«Давайце будзем паліваць». Лукашэнка расказаў пра эксперымент, які мае вырашыць праблемы з бульбай
У Расіі ўжо з'елі ўсю сваю гародніну: у крамах — толькі імпарт
Лукашэнка пра замаразкі: Катастрофы няма
Што з цэнамі і выбарам бульбы ў суседніх Польшчы і Літве
Навукоўцы Акадэміі навук назвалі справядлівую цану на беларускую бульбу
У МАРГ прызналіся, што праблемы з цыбуляй для іх не нечаканыя
Цяпер чытаюць
«Хачу ўзяць інтэрв’ю» — «Не» — «Давайце я вас сфатаграфую» — «Не». Бяляцкі расказаў пра сустрэчу ў калоніі з Пратасевічам4
Каментары