Летась у Расіі затрымалі амаль тысячу чалавек, якіх шукалі ў Беларусі
На пасяджэнні Аб’яднанай калегіі міністэрстваў унутраных спраў Беларусі і Расіі, якое адбылося 23 мая ў Магілёве, міністр унутраных спраў Беларусі Іван Кубракоў назваў некалькі лічбаў, якія адлюстроўваюць стан супрацоўніцтва паміж сілавікамі абедзвюх краін, піша БелТА.
Кубракоў паведаміў, што ў 2023—2024 гадах сумеснымі намаганнямі было нібыта папярэджана чатыры тэракты, накіраваныя супраць дзяржаўных служачых і важнай інфраструктуры.
Таксама дзякуючы аналізу крыптааперацый было выяўлена 35 чалавек, звязаных з наркатычным бізнесам, якіх прыцягнулі да адказнасці. У Расіі затрымалі семярых закладчыкаў з больш як 50 кілаграмамі псіхатропаў, частка якіх прызначалася для Беларусі. Акрамя таго, правялі 10 міжнародных кантраляваных паставак наркотыкаў, па сямі з іх затрымалі арганізатараў.
Усяго ж за мінулы год у Расіі затрымалі 964 чалавек, якіх шукала беларускае МУС, а Беларусь — 185, якіх шукалі расійскія сілавікі. Ці былі сярод іх асобы, якіх абвінавачваюць па палітычных артыкулах, не паведамляецца.
У сваю чаргу, таксама прысутны на калегіі міністр унутраных спраў Расіі Уладзімір Калакольцаў адзначыў, што колькасць злачынстваў у Беларусі, здзейсненых супраць расіян, зменшылася на 10%, а ў Расіі супраць беларусаў — амаль на 2%. Праўда, ён не ўдакладніў, колькі гэта ў абсалютных лічбах.
Каментары
Чем меньше беларусов в России, чем меньше беларусов в Беларуси, тем быстрее придём к единому, русскому народу под руководством Москвы.