У нямецкім Брэмене затрымалі 46-гадовага беларуса і двух немцаў ва ўзросце 47 і 42 гадоў, якія падазраюцца ў крадзяжы аўтазапчастак з грузавых цягнікоў. Пра гэта паведамляе мясцовая паліцыя, піша сайт «Беларусь и мир».
Як удакладняецца ў прэс-рэлізе, такія крадзяжы неаднаразова адбываліся ў мінулым. Дарагія дэталі кралі з саставаў, пастаўленых на ноч на сартавальнай станцыі горада.
У ноч на аўторак 20 мая праваахоўнікі звярнулі ўвагу на падазроную тройцу на вуліцы Папельвег, у непасрэднай блізкасці ад вагонаў-аўтамабілевозаў.
Трое мужчын спачатку спрабавалі з'ехаць ад цывільнай машыны паліцыі на белым фургоне, але тады, калі быў выкарыстаны сігнал «стоп» і пробліскавы маячок, яны спыніліся.
Пры праверцы высветлілася, што гэтыя людзі ўжо вядомыя праваахоўнікам як такія, што займаліся крадзяжом аўтазапчастак. Таксама ў машыне знайшлі інструменты для дэмантажу дэталяў. Двое з затрыманых ужо вышукваліся за ўчыненыя злачынствы.
Кіроўца таксама падазраецца ў кіраванні транспартным сродкам у стане наркатычнага ап'янення. Падазраваных зноў сфатаграфавалі, знялі адбіткі пальцаў, у кіроўцы ўзялі ўзор крыві для аналізу. Высвятляецца, да якіх крадзяжоў мужчыны маглі мець дачыненне.
У Германіі затрымалі беларусаў з сотнямі плітак шакаладу
Еўрапол затрымаў групу грузінаў, якія кралі кнігі рускіх пісьменнікаў з еўрапейскіх бібліятэк
Нямецкая паліцыя зняла беларуса, які ехаў у Брусель, з аўтобуса і вярнула ў Польшчу
Беларуса ў Польшчы затрымалі за крадзеж пасылак з прысмакамі і электронікай
Цяпер чытаюць
У Быхаве паставілі выродлівы помнік жанчыне. Разам са скульптурай у Касцюковічах ён можа стаць сімвалам культурнай дэградацыі Беларусі пры Лукашэнку3
У Быхаве паставілі выродлівы помнік жанчыне. Разам са скульптурай у Касцюковічах ён можа стаць сімвалам культурнай дэградацыі Беларусі пры Лукашэнку
Замест парэшткаў Вітаўта за сцяной Віленскай катэдры знайшлі толькі кучу камянёў. Але ўлады Літвы гатовыя выдаткаваць на працяг пошукаў яшчэ 1,5 мільёна еўра3232
Каментары