Румынскі кандыдат, які прайграў на прэзідэнцкіх выбарах, аспрэчвае іх вынікі
Лідар ультраправых і прарасійскіх сіл у Румыніі Джорджэ Сіміён, нягледзячы на тое, што раней прызнаў сваю паразу на прэзідэнцкіх выбарах, цяпер вырашыў аспрэчыць іх вынікі. Ён падае скаргу ў Канстытуцыйны суд, сцвярджаючы, што выбары прайшлі з парушэннямі, аналагічнымі тым, якія раней сталі падставай для адмены першага туру выбараў у снежні мінулага года, піша «Еўрапейская праўда».
Сіміён сцвярджае, што адбыўся так званы «выбарчы турызм» у Малдове і што на вынікі выбараў паўплывалі замежныя дзяржавы — у прыватнасці Малдова і Францыя. Ён нават спаслаўся на словы заснавальніка Telegram Паўла Дурава, нібыта французскія ўлады цэнзуравалі сродкі камунікацыі ягонай партыі. Сіміён патрабуе, каб перад прызнаннем вынікаў выбараў гэтыя паказанні былі ўлічаныя.
Нягледзячы на пададзеную скаргу, сам палітык прызнаў, што шанцаў на поспех у Канстытуцыйным судзе ў яго мала. Ён таксама заявіў, што ягоная партыя не будзе ўдзельнічаць у інаўгурацыі новага кіраўніка дзяржавы.
Варта адзначыць, што Сіміён адразу пасля выбараў прызнаў сваю паразу і павіншаваў пераможцу — праеўрапейскага мэра Бухарэста Нікушора Дана, які набраў 53,6% галасоў. Цяпер жа ён тлумачыць, што зрабіў гэта дзеля прадухілення гвалту.
Сіміён заяўляе, што калі яго скаргу адхіляць, гэта нібыта будзе азначаць, што ў Румыніі адбылося махлярства з мэтай парушэння волі народа.
Цяпер чытаюць
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам25
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам
«Лукашэнка павінен панесці адказнасць за саўдзел у расійскай агрэсіі». Міністр замежных спраў Украіны расказаў пра новую палітыку ў дачыненні да Беларусі2424
Каментары
Меценаты и спонсоры из России, требуют решительных действии.