Прэзідэнт Украіны назваў гэта добрым знакам, але зноў заклікаў да спынення агню.
Прэзідэнт Украіны Уладзімір Зяленскі назваў добрым знакам прапанову Уладзіміра Пуціна аднавіць прамыя перамовы ў Стамбуле.
Пры гэтым Зяленскі заклікаў да спынення агню з 12 траўня.
«Гэта добры знак, што расіяне нарэшце задумаліся пра заканчэнне вайны. Увесь свет ужо вельмі даўно гэтага чакае. І першы крок да рэальнага заканчэння любой вайны — гэта спыненне агню.
Няма ніякага сэнсу працягваць забойствы нават яшчэ на адзін дзень. Чакаем, што Расія пацвердзіць спыненне агню — поўнае, працяглае і надзейнае — пачынаючы ўжо заўтра, 12 траўня, і Украіна гатовая да сустрэчы», — напісаў Зяленскі ў тэлеграм-канале.
Напярэдадні ў Кіеве «кааліцыя ахвотных» у складзе лідараў Вялікабрытаніі, Францыі, Германіі, Польшчы і Украіны заклікала да безумоўнага спынення агню з 12 мая. Аднак Уладзімір Пуцін у начным звароце прапанаваў аднавіць перамовы з Украінай у Стамбуле з 15 мая — без папярэдніх умоваў.
Цяпер чытаюць
Учора Мінск зноў затапіла. Чаму сталіца не гатовая да дажджоў?4
Каментары