Кампанія EPAM абвясціла пра змену кіраўніцтва. Аркадзь Добкін пакідае пасаду CEO, сказана ў прэс-рэлізе кампаніі.
Заснавальнік і шматгадовы кіраўнік міжнароднай IT-кампаніі EPAM Systems Аркадзь Добкін пакідае пасаду галоўнага выканаўчага дырэктара (CEO). Гэта азначае завяршэнне цэлай эпохі для кампаніі, якую ён узначальваў з моманту яе заснавання ў 1993 годзе.
З 1 верасня ён пяройдзе на пасаду выканаўчага старшыні. Добкін «засяродзіцца на прасоўванні стратэгічных ініцыятыў і падтрымцы бесперапыннасці місіі EPAM, паколькі кампанія ўступае ў наступны этап свайго развіцця», сказана ў прэс-рэлізе.
Галоўным выканаўчым дырэктарам і прэзідэнтам EPAM стане Балаж Фееш (ён прэзідэнт EPAM па глабальным бізнэсе і дырэктар па даходах).
«На працягу апошніх трох дзесяцігоддзяў EPAM быў вызначальным праектам у маім прафесійным і асабістым шляху», — прыводзяцца словы Добкіна. «Мы пачыналі з простай веры ў сілу глабальных талентаў і перакананасці ў тым, што праграмнае забеспячэнне можа змяніць свет. Сёння, маючы больш за 61 000 спецыялістаў у больш чым 55 краінах, EPAM узначальвае намаганні па лічбавай трансфармацыі па ўсім свеце і распаўсюджвае свой уплыў на адукацыю, устойлівае развіццё і гуманітарныя ініцыятывы».
У 2025-м гадавы даход кампаніі перавысіў 5 мільярдаў даляраў.
Цяпер чытаюць
Галоўным спікерам Жаночага форуму ў Мінску стане расійскі крынджовы псіхолаг, які расказваў пра «памяць жаночых палавых губ»14
Каментары