55-гадовы Алег Крупскі правёў у статусе расійскага наёмніка роўна месяц.
У спісе беларусаў, якія пайшлі ваяваць за Расію і загінулі ва Украіне, ёсць Алег Крупскі. Што гэта за чалавек?
Па інфармацыі BelPol, Алег Станіслававіч Крупскі нарадзіўся ў вёсцы Сцяпянка (яна пазней стане часткай Мінска) у 1969 годзе.
Мужчына паспеў папрацаваць у ГУМе, а таксама ў Спецыялізаванай механізаванай калоне — 81, якая займаецца добраўпарадкаваннем тэрыторый.
Крупскі меў за плячыма судзімасць: у снежні 2016 годзе яго асудзілі па артыкуле 364 Крымінальнага кодэксу за гвалт (ці пагрозу гвалту) у дачыненні міліцыянера. Атрымаў ён даволі ліберальнае пакаранне — год хатняй хіміі.
Аднак адбыць яго Крупскі не здолеў, сарваўся. У жніўні 2017 года яго судзілі за тое, што нахапаў парушэнняў. Па цяперашнім заканадаўстве ў такой сітуацыі яму проста падзялілі б неадбыты тэрмін у два разы і адправілі даседжваць у калонію пару месяцаў. Але тады закон быў іншы. Па ім мінчуку далі 1 год і 2 месяцы калоніі — больш, чым было спачатку. Хутчэй за ўсё, давялося адбыць новы прызначаны тэрмін цалкам.
Дзе Крупскі быў з 2018 да 2024, невядома. Імаверна, што адправіўся ў Расію.
23 чэрвеня 2024 ён зрабіў адну з апошніх памылак у жыцці — падпісаў вайсковы кантракт з расійскай арміяй. Роўна праз месяц Алег Крупскі быў забіты.
Цяпер чытаюць
Іпэшнік у Мінску пісаў ананімкі на канкурэнтаў, у тым ліку і палітычныя. Зафіксавана 18 эпізодаў2
Каментары
55-гадовы Алег Крупскі правёў у статусе расійскага наёмніка роўна месяц.
"
слухаў цояў , глядзеў лайно на аскальце , бацькам пытанне- чаму з нашых Беларускамоўных сем'яў ніхто з імперыю не ваюе ? з пазітыўнага сёння кошты на сібірскі уралс $49, такіх коштаў не было з 2021. эмпэрыя пуціна $35 (тое што Трамп і робіць сёння ) не пацягне . Будзе і ў нас шанец хутка