Грамадства

У сядзібе Агінскіх аднаўляюць дзве барочныя капліцы

Адна з іх праз абыякавасць мясцовых уладаў разбурылася ў 2020 годзе. 

Капліца на тэрыторыі сядзібы Агінскіх «Ганута», цяпер і ў пачатку XX стагоддзя. Фота: сацсеткі, Wikimedia Commons

Дзве капліцы на тэрыторыі сядзібы Агінскіх «Ганута» ў вёсцы Ручыца Вілейскага раёна калісьці змяшчалі скульптуры святых пад сваімі барочнымі купаламі, што абапіраюцца на чатыры круглыя аркі. Як і іншыя збудаванні сядзібы, яны былі ўзведзеныя яшчэ ў 1765 годзе італьянскім архітэктарам Абрахамам Гену, які таксама стварыў Лявонпальскую сядзібу.

Сядзібны дом не збярогся. Фота: Wikimedia Commons
Адна з капліц на тэрыторыі сядзібы «Ганута» ў пачатку XX стагоддзя. Фота: Wikimedia Commons

Сёння нічога не засталося ад шляхецкай сядзібы, няма скульптур у капліцах, дый самі капліцы не ў найлепшым стане. 

Вілейскія актывісты і сябры суполкі аховы помнікаў білі трывогу, што капліцы могуць хуткім часам канчаткова разбурыцца, але да іх слоў мясцовыя чыноўнікі, на якіх ускладзена ахова гісторыка-культурных каштоўнасцей, заставаліся глухімі.

Урэшце ў кастрычніку 2020 года адна з капліц абвалілася. Толькі гэта прымусіла мясцовыя ўлады звярнуць увагу на помнікі архітэктуры.

Руіны капліцы, якая развалілася ў 2020 годзе. Фота з сацсетак

У 2021 годзе былі распрацаваныя зоны аховы, якіх да таго часу не было. Чыноўнікі абяцалі, што выдзеляць грошы на рамонтна-аднаўленчыя работы ў Ручыцы ў 2022 годзе, але інфармацыі пра тое, што гэта было зроблена, няма.

Прынамсі з 2024 года рэстаўрацыю капліц за свае сродкі пачало Рэспубліканскае грамадскае аб'яднання рэстаўратараў, якое ўзначальвае Міхаіл Жых, былы галоўны інжынер «Мінскай спадчыне». Жых заклікаў усіх ахвотных паўдзельнічаць у аднаўленні помнікаў талакой.

Праект аднаўлення капліцы ў Ручыцы. Фота з сацсетак

Праект быў распрацаваны рэстаўратарам Аляксандрам Вашкевічам у пачатку мінулага года ў інстытуце «Белжылпраект», дзе Жых цяпер займае пасаду намесніка дырэктара.

Пакуль аднаўляецца толькі тая капліца, якая найбольш захавалася. Ужо часткова атынкаваны яе фасады, але да завяршэння, выглядае, яшчэ далёка. Пасля рэстаўрацыі на капліцу вернецца складаны барочны шлем, крыж з прамянямі, а ва ўнутранай прасторы з'явіцца тумба са скульптурай Дзевы Марыі. 

Рэстаўрацыя адной з капліц у Ручыцы. Фота з сацсетак
Рэстаўрацыя адной з капліц у Ручыцы. Фота з сацсетак
Рэстаўрацыя адной з капліц у Ручыцы. Фота з сацсетак

Мяркуючы па назве, праект прадугледжвае таксама аднаўленне капліцы, якая развалілася ў 2020 годзе — яны з'яўляецца аднолькавымі па архітэктуры, што спрашчае рэстаўрацыю. 

«Наша Нiва» — бастыён беларушчыны

ПАДТРЫМАЦЬ

Каментары

Цяпер чытаюць

Банкаўскія інсайдары лічаць новыя санкцыі супраць чатырох беларускіх банкаў малазначнымі. І вось чаму1

ЭканомікаБеларусбанк, Белаграпрамбанк, Белінвестбанк і Банк Дабрабыт1

Банкаўскія інсайдары лічаць новыя санкцыі супраць чатырох беларускіх банкаў малазначнымі. І вось чаму

Усе навіны →
Усе навіны

У барацьбу з дармаедамі ўключыліся ваенкаматы. Прычым выклікаюць нават тых, хто працуе3

Лукашэнка пра забарону на ўезд у Эстонію: Ніколі не быў там7

Засталося два тыдні, каб падаць заяўку на тры прэстыжныя праграмы навучання і прафесійнага развіцця ў ЗША

У Беларусь прыйшоў лясны кот — такога не бачылі амаль 100 гадоў3

У Беларусь афіцыйна прыйшоў новы кітайскі аўтамабільны брэнд. Што за ён6

Эстонія пажыццёва забараніла ўезд у краіну Лукашэнку і яшчэ 272 асобам2

Памятаеце зарослую магілу акадэміка Карскага? Моладзь з Беларусі аплаціла яе ўпарадкаванне4

Беларуска абурылася коштам лісічак у 55 рублёў за кілаграм3

Сярэдні заробак «бруднымі» складае 911 даляраў4

больш чытаных навін
больш лайканых навін

Банкаўскія інсайдары лічаць новыя санкцыі супраць чатырох беларускіх банкаў малазначнымі. І вось чаму1

ЭканомікаБеларусбанк, Белаграпрамбанк, Белінвестбанк і Банк Дабрабыт1

Банкаўскія інсайдары лічаць новыя санкцыі супраць чатырох беларускіх банкаў малазначнымі. І вось чаму

Галоўнае
Усе навіны →

Заўвага:

 

 

 

 

Закрыць Паведаміць