У Еўропе разглядаюць гандлёвыя меры супраць паставак расійскай нафты па нафтаправодзе «Дружба»
У Еўрасаюзе абмяркоўваюць магчымасць увядзення гандлёвых абмежаванняў, накіраваных на скарачэнне паставак расійскай нафты ў Еўропу. Асаблівая ўвага надаецца трубаправоду «Дружба», які па-ранейшаму забяспечвае Венгрыю і Славакію, піша Bloomberg.
Мэты гэтых мер — скараціць залежнасць ЕС ад расійскай нафты і стымуляваць краіны, якія яшчэ імпартуюць расійскую нафту, пераходзіць на альтэрнатыўныя крыніцы энерганосьбітаў.
У адрозненне ад стандартных санкцый ЕС, якія патрабуюць аднадушнай падтрымкі ўсіх членаў, гандлёвыя меры (напрыклад, пошліны) могуць быць уведзеныя проcтай большасцю галасоў, што дазваляе абысці магчымыя пярэчанні Венгрыі і Славакіі.
Венгрыя і Славакія — апошнія краіны ЕС, якія яшчэ імпартуюць расійскую нафту. Раней яны адмаўляліся пераходзіць на іншыя крыніцы энерганосьбітаў і блакавалі любыя ініцыятывы ЕС па абмежаванні паставак з Расіі.
Нядаўна прэзідэнт ЗША Дональд Трамп заявіў, што гатовы ўвесці жорсткія санкцыі супраць Расіі, калі ўсе краіны НАТА пойдуць за ягоным прыкладам і адмовяцца купляць расійскую нафту.
Асноўныя выклікі для ЕС у гэтым пытанні — узгадненне пазіцый усіх членаў адносна энергетычнай залежнасці і баланс паміж палітычным ціскам на Расію ды нацыянальнымі інтарэсамі краін, якія пакуль залежаць ад расійскай нафты.
Прэм'ер Славакіі: Мы ў Еўрасаюзе як жаба
Венгрыя забараніла ўезд камандзіру ўкраінскага падраздзялення, адказнага за атакі на «Дружбу». Гэты вайсковец — этнічны венгр
«Украінскія дзеці не вінаватыя ў тым, што робіць былы акцёр». У Венгрыі заявілі, што могуць спыніць пастаўкі электрычнасці ў Украіну, але пакуль не будуць
Зяленскі ў добрым настроі пракаментаваў удары УСУ па нафтаправодзе «Дружба» і рэакцыю на гэта Венгрыі
«Час перакрыць вентыль». ЕС паскарае адмову ад расійскага звадкаванага газу
Цяпер чытаюць
Мільянер Варабей атрымаў права на забудову цэнтра Мінска — узамен за дарагую клініку для Лукашэнкі7
Каментары