Adna ź ich praz abyjakavaść miascovych uładaŭ razburyłasia ŭ 2020 hodzie.
Dźvie kaplicy na terytoryi siadziby Ahinskich «Hanuta» ŭ vioscy Ručyca Vilejskaha rajona kaliści źmiaščali skulptury śviatych pad svaimi baročnymi kupałami, što abapirajucca na čatyry kruhłyja arki. Jak i inšyja zbudavańni siadziby, jany byli ŭźviedzienyja jašče ŭ 1765 hodzie italjanskim architektaram Abrachamam Hienu, jaki taksama stvaryŭ Lavonpalskuju siadzibu.
Siońnia ničoha nie zastałosia ad šlachieckaj siadziby, niama skulptur u kaplicach, dyj sami kaplicy nie ŭ najlepšym stanie.
Vilejskija aktyvisty i siabry supołki achovy pomnikaŭ bili tryvohu, što kaplicy mohuć chutkim časam kančatkova razburycca, ale da ich słoŭ miascovyja čynoŭniki, na jakich uskładziena achova historyka-kulturnych kaštoŭnaściej, zastavalisia hłuchimi.
Urešcie ŭ kastryčniku 2020 hoda adna z kaplic abvaliłasia. Tolki heta prymusiła miascovyja ŭłady źviarnuć uvahu na pomniki architektury.
U 2021 hodzie byli raspracavanyja zony achovy, jakich da taho času nie było. Čynoŭniki abiacali, što vydzielać hrošy na ramontna-adnaŭlenčyja raboty ŭ Ručycy ŭ 2022 hodzie, ale infarmacyi pra toje, što heta było zroblena, niama.
Prynamsi z 2024 hoda restaŭracyju kaplic za svaje srodki pačało Respublikanskaje hramadskaje abjadnańnia restaŭrataraŭ, jakoje ŭznačalvaje Michaił Žych, były hałoŭny inžynier «Minskaj spadčynie». Žych zaklikaŭ usich achvotnych paŭdzielničać u adnaŭleńni pomnikaŭ tałakoj.
Prajekt byŭ raspracavany restaŭrataram Alaksandram Vaškievičam u pačatku minułaha hoda ŭ instytucie «Biełžyłprajekt», dzie Žych ciapier zajmaje pasadu namieśnika dyrektara.
Pakul adnaŭlajecca tolki taja kaplica, jakaja najbolš zachavałasia. Užo častkova atynkavany jaje fasady, ale da zaviaršeńnia, vyhladaje, jašče daloka. Paśla restaŭracyi na kaplicu vierniecca składany baročny šlem, kryž z pramianiami, a va ŭnutranaj prastory źjavicca tumba sa skulpturaj Dzievy Maryi.
Miarkujučy pa naźvie, prajekt praduhledžvaje taksama adnaŭleńnie kaplicy, jakaja razvaliłasia ŭ 2020 hodzie — jany źjaŭlajecca adnolkavymi pa architektury, što spraščaje restaŭracyju.
«Naša Niva» — bastyjon biełaruščyny
PADTRYMAĆ-
Babaryka: Da svajho vyzvaleńnia ja ŭvohule nie bačyŭ Ivana Kraŭcova. Nie viedaju, što jon rabiŭ
-
Vyzvaliŭsia adzin z pačynalnikaŭ biełaruskamoŭnaha ŽŽ Ivan Marozaŭ — heta byŭ jaho druhi palityčny termin
-
Rekordnymi tempami idzie zbor na ŭkoł dla Ksiušy z mahiloŭskaha dzietdoma, ad jakoj admoviłasia mama — jašče plus $190 tysiač za dzień
Ciapier čytajuć
Babaryka: Nie mohuć zdymacca sankcyi z pradpryjemstvaŭ i ludziej, zadziejničanych u vajnie. Vypuścicie palitviaźniaŭ canoj zabojstva ŭkraincaŭ?35
Babaryka: Nie mohuć zdymacca sankcyi z pradpryjemstvaŭ i ludziej, zadziejničanych u vajnie. Vypuścicie palitviaźniaŭ canoj zabojstva ŭkraincaŭ?
Maksim Znak pra pres-kanfierencyju va Ukrainie: My damovilisia nie ŭzdymać najbolš balučyja temy — katavańniaŭ, sankcyj, vajny. Moža, musili my pa-inšamu zrabić88
Maksim Znak pra pres-kanfierencyju va Ukrainie: My damovilisia nie ŭzdymać najbolš balučyja temy — katavańniaŭ, sankcyj, vajny. Moža, musili my pa-inšamu zrabić8
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci55
Kamientary