Трамп здае назад: ЗША знізяць шалёныя тарыфы ў дачыненні да кітайскіх тавараў
Амерыканскія мытныя пошліны на тавары з Кітая зменшацца, аднак не будуць нулявымі, заявіў прэзідэнт ЗША Дональд Трамп. Ён прызнаў, што тарыф у 145 працэнтаў сапраўды вельмі высокі, і ён такім не будзе.
Прэзідэнт ЗША Дональд Трамп абвясціў пра значнае змяншэнне тарыфаў на імпарт з Кітая, але падкрэсліў, што поўная адмена пошлін не плануецца. Гэтае рашэнне стала адказам на нарастаючы ціск з боку бізнэсу і фінансавых рынкаў.
«Мы будзем вельмі добрыя да Кітая», — заявіў Трамп, адзначыўшы, што тарыфы, якія раней дасягалі 145%, будуць «значна» зменшаны, але не скасаваныя цалкам.
Гэтае змякчэнне палітыкі адбываецца на фоне папярэджанняў Міжнароднага валютнага фонду пра тое, што амерыканскія тарыфы сталі «сур'ёзным негатыўным шокам» для сусветнай эканомікі і выклікалі паніжэнне прагнозаў росту ВУП.
Нягледзячы на змякчэнне пазіцыі, базавы тарыф у 10% на імпарт застаецца ў сіле, і Трамп не выключае магчымасці далейшага павышэння пошлін, калі Кітай не пойдзе на саступкі. Кітай у адказ увёў 125% тарыфы на амерыканскія тавары і абмежаваў экспарт рэдказямельных металаў, што яшчэ больш абвастрыла напружанасць.
На фоне гэтых падзей група з амаль 900 эканамістаў, уключаючы двух лаўрэатаў Нобелеўскай прэміі, падпісала адкрыты ліст з крытыкай тарыфнай палітыкі Трампа, назваўшы яе «памылковай» і такой, што можа прывесці да «самапрычыненай рэцэсіі».
Эксперты адзначаюць, што хаця змякчэнне тарыфаў можа прынесці часовую палёгку, працяглая няпэўнасць у гандлёвай палітыцы ЗША можа негатыўна адбіцца на сусветнай эканоміцы і даверы інвестараў.
Цяпер чытаюць
«Аб беларускіх аўтараў выцерлі ногі». Курэйчык і Марыніч судзяцца за серыял «Акрэсціна»12
«Аб беларускіх аўтараў выцерлі ногі». Курэйчык і Марыніч судзяцца за серыял «Акрэсціна»
Навуковец распавёў пра геалагічныя загадкі Беларусі: іртуць з зямлі і кратар ад падзення метэарыта, які знішчыў усё жывое ў радыусе тысяч кіламетраў99
Каментары