Нацыянальная жалоба ў Італіі абвешчаныа з 22 па 26 красавіка ў сувязі са смерцю Папы Францішка, піша La Repubblica.
Фота: Vatican Media via Vatican Pool/Getty Images
Паводле звестак выдання, жалоба працягнецца да 26 красавіка, калі адбудзецца пахаванне пантыфіка. У завяшчанні ён выбраў месцам свайго пахавання базіліку Санта-Марыя-Маджорэ ў Рыме.
Напярэдадні ўрад Італіі загадаў прыспусціць сцягі на дзяржаўных установах і будынках дыпмісій за мяжой. У дні жалобы могуць быць адмененыя або скараціцца публічныя дэманстрацыі, культурныя або спартыўныя мерапрыемствы. 21 і 22 красавіка былі адменены ўсе публічныя мерапрыемствы ў Рыме, у тым ліку прымеркаваныя да 2778-годдзя з дня заснавання горада, а таксама перанесеныя матчы футбольнай Серыі А.
Цяпер чытаюць
Падазронага актывіста-стукача Паўла Бялюціна прывезлі з Турцыі1
Каментары