Цэнзура дабралася да фільма «Пра што гавораць мужчыны». Выразалі Макарэвіча, «Бі-2», Адэсу і грузін
Тэлеканал «Дом Кіно Прэміум», які вызначыўся рэкорднай цэнзурай у фільме «Дзень радыё», працягвае рэдагаваць папулярныя фільмы. Як заўважыў канал «Можем объяснить», цяпер цэнзары дабраліся да расійскай кінакамедыі 2010 года «Пра што гавораць мужчыны», створанай «Квартэтам І».
«Дом Кіно Прэміум» выразаў згадкі пра гурт «Бі-2». У арыгінале персанаж Аляксандра Дзямідава кажа кліентам, што ён з сябрамі збіраецца паехаць у Адэсу на канцэрт гэтай рок-групы. У тэлетрансляцыі застаецца незразумелым, навошта героі фільма едуць ва Украіну.
Саму групу «Бі-2» таксама выразалі.
З фільма выдалілі карту з згадваннем Адэсы. Героі фільма едуць ва ўкраінскі горад, які цяпер стаў адной з галоўных мэтаў расійскай арміі — яго рэгулярна абстрэльваюць войскі РФ на фоне заяў прапагандыстаў аб жаданні далучыць Адэсу да РФ. У арыгінале стужкі дэманструецца карта паездкі, пунктам прызначэння якой з'яўляецца Адэса. Але ў версіі «Дом Кіно Прэміум» гэтая карта выразаная.
Цэнзуры парэзала і сцэну з грузінам, якія распавядае аб аблавах на грамадзян Грузіі. У 2006 годзе ўлады РФ масава дэпартавалі выхадцаў з гэтай краіны ў адказ на палітыку Міхаіла Саакашвілі.
Таксама з тэлеверсіі выдалілі і Андрэя Макарэвіча. Лідар «Машыны часу» прысутнічае ў арыгінальнай версіі фільма ў выглядзе камеа, калі распавядае, што «не стала будучыні».
У версіі канала «Дом Кіно Прэміум» Макарэвіча няма, выразаныя і цітры з яго згадваннем. Выдаленая і адна са сцэн з персанажам Максіма Вітаргана.
Таксама ў тытрах выдалілі прозвішчы акцёраў Анатоля Белага і Вітаргана. Абодва пасля пачатку вайны з Украінай пераехалі ў Ізраіль, Белага прызналі «іншаагентам».
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?19
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек33
Каментары
Так держать!