Cenzura dabrałasia da filma «Pra što havorać mužčyny». Vyrazali Makareviča, «Bi-2», Adesu i hruzin
Telekanał «Dom Kino Premium», jaki vyznačyŭsia rekordnaj cenzuraj u filmie «Dzień radyjo», praciahvaje redahavać papularnyja filmy. Jak zaŭvažyŭ kanał «Možiem objaśniť», ciapier cenzary dabralisia da rasijskaj kinakamiedyi 2010 hoda «Pra što havorać mužčyny», stvoranaj «Kvartetam I».
«Dom Kino Premium» vyrazaŭ zhadki pra hurt «Bi-2». U aryhinale piersanaž Alaksandra Dziamidava kaža klijentam, što jon ź siabrami źbirajecca pajechać u Adesu na kancert hetaj rok-hrupy. U teletranślacyi zastajecca niezrazumiełym, navošta hieroi filma jeduć va Ukrainu.
Samu hrupu «Bi-2» taksama vyrazali.
Ź filma vydalili kartu z zhadvańniem Adesy. Hieroi filma jeduć va ŭkrainski horad, jaki ciapier staŭ adnoj z hałoŭnych metaŭ rasijskaj armii — jaho rehularna abstrelvajuć vojski RF na fonie zajaŭ prapahandystaŭ ab žadańni dałučyć Adesu da RF. U aryhinale stužki demanstrujecca karta pajezdki, punktam pryznačeńnia jakoj źjaŭlajecca Adesa. Ale ŭ viersii «Dom Kino Premium» hetaja karta vyrazanaja.
Cenzury parezała i scenu z hruzinam, jakija raspaviadaje ab abłavach na hramadzian Hruzii. U 2006 hodzie ŭłady RF masava departavali vychadcaŭ z hetaj krainy ŭ adkaz na palityku Michaiła Saakašvili.
Taksama z televiersii vydalili i Andreja Makareviča. Lidar «Mašyny času» prysutničaje ŭ aryhinalnaj viersii filma ŭ vyhladzie kamiea, kali raspaviadaje, što «nie stała budučyni».
U viersii kanała «Dom Kino Premium» Makareviča niama, vyrazanyja i citry ź jaho zhadvańniem. Vydalenaja i adna sa scen ź piersanažam Maksima Vitarhana.
Taksama ŭ tytrach vydalili proźviščy akcioraŭ Anatola Biełaha i Vitarhana. Abodva paśla pačatku vajny z Ukrainaj pierajechali ŭ Izrail, Biełaha pryznali «inšaahientam».
Ciapier čytajuć
Łukašenka patłumačyŭ, čamu jaho nie vidać pa sieradach i subotach20
Łukašenka patłumačyŭ, čamu jaho nie vidać pa sieradach i subotach
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda1
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha219219
Kamientary
Tak dieržať!