Марк Рутэ дадаў, што спыненне агню «можа заняць больш часу, чым нам хацелася б».
Генеральны сакратар НАТА Марк Рутэ лічыць, што Расія павінна прадэманстраваць ЗША жаданне скончыць вайну ва Украіне, але пакуль Крэмль толькі зацягвае гэты працэс. Пра гэта ён сказаў у інтэрв’ю CBS News.
Ён падкрэсліў, што і ЗША, і НАТА прыкладаюць намаганні, каб пакласці канец вайне ва Украіне, «і ў межах гэтых намаганняў ЗША сапраўды стараюцца». Аднак цяпер мяч знаходзіцца на баку Расіі, якая робіць недастаткова для спынення агню.
«Я лічу, што яны дзейнічаюць недастаткова хутка, і мне здаецца, у прыватнасці я чую гэта ад маіх амерыканскіх суразмоўцаў, што Расія сапраўды павінна зрабіць больш, каб пакласці канец гэтай вайне», — адзначыў Рутэ. Ён падкрэсліў, што заходнія саюзнікі цалкам падтрымліваюць намаганні ЗША адносна справядлівага, трывалага і доўгатэрміновага завяршэння вайны.
Пры гэтым на прамое пытанне вядучай пра тое, ці не турбуе яго, што Расія дыктуе ЗША ўмовы адносна спынення агню, Рутэ адказаў адмоўна:
«Я размаўляў з Марка Рубіа, я рэгулярна кантактую з іншымі членамі амерыканскай адміністрацыі. Я думаю, што яны… сапраўды спрабуюць крок за крокам прыйсці да сітуацыі, калі гэтая вайна можа скончыцца. Але, вядома, Расія — расіяне таксама павінны танцаваць танга, а пакуль што яны, здаецца, гэтага не робяць, і гэта складана».
Рутэ таксама дадаў, што апошнім часам «лінія фронту рухалася ў няправільным кірунку». Пры гэтым ён не ўпэўнены ў тым, ці збіраецца Уладзімір Пуцін спыняць уварванне ва Украіну.
-
Рутэ: Вайскоўцы краін НАТА з’явяцца ва Украіне адразу пасля заключэння мірнага пагаднення
-
Наўседа: Я буду сярод тых, хто найбольш жорстка патрабуе падаўжэння санкцый ЕС супраць Беларусі
-
Біл і Хілары Клінтан пагадзіліся даць паказанні Кангрэсу аб сувязях з Эпштэйнам. Адмова пагражала ім крымінальнай справай
Цяпер чытаюць
«Вы ашалелі! Колькі мы трацім грошай!» Лукашэнка даручыў зменшыць асвятленне на вуліцах11
Каментары