Колькасць загінулых у выніку расійскага ўдару па Крывым Рогу дасягнула 18 чалавек, палова — дзеці
У пятніцу вечарам Крывы Рог падвергся спачатку ракетнаму расійскаму абстрэлу, у выніку якога, паводле апошніх даных, загінулі 18 чалавек, затым — налёту беспілотнікаў, паведамілі ўлады Днепрапятроўскай вобласці.
У Мінбароны Расіі сцвярджаюць, што нанеслі ракетны ўдар «па месцы правядзення нарады з камандзірамі злучэнняў і заходнімі інструктарамі». Украінскія ўлады кажуць, што атака прыйшлася па жылым раёне побач з дзіцячай пляцоўкай.
Мэр горада Аляксандр Вілкул напісаў, што расійскія вайскоўцы «ўдарылі балістычнай ракетай у цэнтр жылога мікрараёна», «побач з дзіцячай пляцоўкай». Паводле яго слоў, «ракета выбухнула ў паветры — спецыяльна, каб больш пацярпела людзей».
Паводле апошніх даных загінулі 18 чалавек, і палова з іх — дзеці. Кіраўнік Днепрапятроўскай АВА Сяргей Лысак удакладніў, што пацярпелі 61 чалавек — сярод іх 12 дзяцей.
«У бальніцах знаходзяцца 40 гараджан. Астатнія пад амбулаторным назіраннем», — напісаў ён.
Паводле яго слоў, самаму маленькаму пацярпеламу ад атакі — 3 месяцы. У яго рэзаныя раны, удакладніў кіраўнік Днепрапятроўскай АВА.
Таксама атрымалі пашкоджанні некалькі шматкватэрных дамоў — гэта пяці-, дзевяці– і чатырнаццаціпавярховікі. У некаторых дамах адсутнічае газ, дадаў Аляксандр Вілкул.
Мінбароны Расіі ўдар па Крывому Рогу пацвердзілі. У расійскім ваенным ведамстве сцвярджаюць, што ён быў нанесены «ракетай з фугасным снарадам па месцы правядзення нарады з камандзірамі злучэнняў і заходнімі інструктарамі ў адным з рэстаранаў горада Крывы Рог».
У Генштабе Украіны гэту заяву назвалі хлуснёй, дадаўшы, што ракета «Іскандэр-М» трапіла ў «жылы масіў і дзіцячую пляцоўку».
«Чарговым парушэннем нормаў міжнароднага гуманітарнага права падступны вораг дэманструе, што зусім не імкнецца да міру, затое мае мэтай працяг захопніцкай вайны на знішчэнне супраць Украіны і ўсіх украінцаў», — гаворыцца ў заяве Генштаба.
Удар па Крывому Рогу супаў з брыфінгам Уладзіміра Зяленскага, для якога Крывы Рог — родны горад. У пачатку брыфінгу Зяленскі заявіў: «Гэта твар расійскіх, ён, у прынцыпе, не змяняецца з пачатку гэтай вайны, — ударылі па дзіцячай пляцоўцы».
Акрамя таго, адказваючы на пытанні пра «чырвоныя лініі» для Украіны на мірных перамовах і магчымасць весці перамовы з расійскім бокам напрамую, прэзідэнт Украіны адказаў: «Як размаўляць напрамую з балістычнымі ракетамі?»
Цяпер чытаюць
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу5
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх1818
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх18
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары