Яна не толькі сама пералічыла грошы, але і «дапамагла» адправіць сродкі іншых пацярпелых.
Пажылая мінчанка адказала на званок, нібыта ад супрацоўнікаў «Белтэлекама». Назваўшы махлярам свае пашпартныя даныя для працягу дамовы, жанчына скончыла размову, паведамляе «Міліцыя Мінска».
Аднак праз некалькі хвілін ёй зноў патэлефанавалі — ужо праз месенджар: «ілжэсупрацоўнік міліцыі» і «банкір» напалохалі жанчыну, паведаміўшы, што яна толькі што размаўляла з махлярамі, якія, атрымаўшы яе даныя, аформілі на яе крэдыты.
Каб «адмяніць» гэтыя крэдыты, махляры параілі жанчыне ўзяць рэальныя пазыкі ў банках і перавесці грошы на «бяспечныя рахункі», паабяцаўшы, што сродкі ёй вярнуцца. Таксама, выконваючы інструкцыі кібермахляроў, жанчына адправіла ім і свае асабістыя зберажэнні.
Вядома, што ў выніку пенсіянерка страціла больш за 23 тысячы рублёў — як крэдытных сродкаў, так і асабістых.
Пазней «куратары» папрасілі мінчанку дапамагчы і іншым грамадзянам, якія нібыта з-за праблем са здароўем не маглі самастойна перавесці свае грошы. Атрымаўшы адрасы яшчэ двух жыхароў сталіцы, жанчына накіравалася да іх, забрала грошы і частку ўжо паспела пералічыць махлярам. Астатняя сума была канфіскаваная і будзе вернутая адной з пацярпелых.
Заведзеныя крымінальныя справы.
Цяпер чытаюць
Што цяпер з італьянскімі візамі? Масавыя адмовы? Турфірмы называюць альтэрнатыву6
Што цяпер з італьянскімі візамі? Масавыя адмовы? Турфірмы называюць альтэрнатыву
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча1212
Каментары