Вольга Карач пахвалілася новай працай. Яна звязана з ядзернай зброяй
Пост аб сваёй новай працы ў ролі «сяброўкі арганізацыі» Вольга Карач апублікавала ў LinkedIn.
«З задавальненнем паведамляю, што я пачынаю працу на новай пасадзе — Member у кампаніі The International Campaign to Abolish Nuclear Weapons (ICAN)», — напісала яна.
Згодна інфармацыі на сайце ініцыятывы, яна была заснавана ў 2007 годзе як глабальная кааліцыя грамадзянскай супольнасці. Працуюць актывісты над тым, каб у свеце захоўвалася і выконвалася Дамова аб забароне ядзернай зброі.
Згодна профілю Карач у LinkedIn, бакалаўрыят яна скончыла ў Віцебскім універсітэце імя Машэрава па спецыяльнасці «руская мова і літаратура, беларуская мова і літаратура». Пазней яна атрымала магістарскі дыплом у ЕГУ — па профілі «палітычная навука».
Асноўны працоўны досвед Карач — кіраўніцтва сваёй арганізацыяй «Наш дом».
Каментары
Дарэчы (рэдакцыі) было б добра напісаць у тэксце, што арганізацыя ў 2017 годзе атрымала Нобелеўку