Маладых інсультаў стала больш: мінскія дактары расказалі пра 15-гадовую пацыентку
Колькасць пацыентаў, якія перанеслі інсульт ва ўзросце да 45 гадоў, за апошнія гады павялічылася. Пра гэта расказалі медыкі ў рамках прэс-канферэнцыі, якая прайшла сёння ў Мінскім навукова-практычным цэнтры хірургіі, транспланталогіі і гематалогіі.
За апошнія 10 гадоў доля маладых пацыентаў вырасла на 1%. Штогод у Беларусі рэгіструюць каля 40 тысяч выпадкаў інсульту. Толькі траціна пацыентаў звяртаюцца па дапамогу своечасова.
Пры гэтым, адзначылі спецыялісты, інсульты здараюцца нават у дзяцей, хоць і вельмі рэдка. За апошнія тры гады ў цэнтр штогод паступаюць па некалькі чалавек ва ўзросце да 18 гадоў.
Адной з іх стала 15-гадовая дзяўчына — яна паступіла з парушэннем маўлення і слабасцю ў правай руцэ і назе, на вачах медыкаў сімптомы ўзмацняліся. Дактары своечасова аказалі ёй дапамогу, цяпер пацыентка цалкам здаровая і працягнула вучобу ў школе.
Каментары