Зяленскі назваў колькасць украінскіх вайскоўцаў, якія загінулі на вайне
Прэзідэнт Украіны Уладзімір Зяленскі заявіў, што за час поўнамаштабнай вайны з Расіяй загінулі больш за 46 тысяч украінскіх вайскоўцаў, яшчэ дзясяткі тысяч лічацца зніклымі без вестак або знаходзяцца ў палоне, заявіў ён у інтэрв’ю NBC News.
Прэзідэнт Украіны адзначыў, што «ніхто дакладна не ведае», колькі ўкраінцаў страцілі свае жыцці ў выніку вайны.
«У нас ёсць зафіксаваная колькасць ахвяр — больш за 46 тысяч загінулых вайскоўцаў. Яшчэ ёсць дзясяткі тысяч тых, хто знік без вестак або знаходзіцца ў палоне. І вы дакладна не ведаеце, бо зніклыя без вестак могуць быць мёртвымі, а могуць знаходзіцца ў палоне», — сказаў ён.
Зяленскі таксама паведаміў, што каля 19,5 тысячы ўкраінскіх дзяцей былі дэпартаваныя ў Расію.
«І мы зусім не разумеем колькасці тысяч, дзясяткаў тысяч цывільных людзей, якія загінулі на часова акупаваных тэрыторыях», — дадаў ён.
Цяпер чытаюць
Мінск сёння вечарам пагрузіўся ў цемру. Пасля загаду Лукашэнкі40
Мінск сёння вечарам пагрузіўся ў цемру. Пасля загаду Лукашэнкі
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»3535
Каментары