МАГАТЭ выступіла з заяваю наконт сітуацыі каля ЧАЭС пасля ўдару дронам
Эксперты МАГАТЭ абследавалі месца ўдару беспілотніка па саркафагу над рэшткамі рэактара Чарнобыльскай АЭС і не зафіксавалі павышэння ўзроўню радыяцыі, гаворыцца ў заяве на сайце арганізацыі.
Міжнароднае агенцтва па атамнай энергіі зрабіла заяву наконт наступстваў удару расійскага беспілотніка па саркафагу на ЧАЭС, адзначыўшы, што, нягледзячы на значныя пашкоджанні, узровень радыяцыі на аб'екце не змяніўся.
У заяве адзначаецца, што каманда МАГАТЭ, якая базуецца на месцы здарэння, атрымала неабмежаваны доступ да месца выбуху і правяла дэталёвы агляд пашкоджанняў аб'екта, які атакаваў дрон.
«Украінскія пажарныя кругласутачна працавалі ў марознае надвор'е, каб поўнасцю патушыць невялікія пажары, якія ўсё яшчэ тлеюць пасля пятнічнага ўдару беспілотніка па будынку, які змяшчае рэшткі рэактара, разбуранага падчас аварыі на Чарнобыльскай АЭС у 1986», — заявіў дырэктар агенцтва Рафаэль Гросі.
У МАГАТЭ паведамляюць, што, нягледзячы на значныя пашкоджанні, выкліканыя ўдарам беспілотніка, узровень радыяцыі на аб'екце не змяніўся.
Ударны беспілотнік, які ўпаў раніцай пятніцы, 14 лютага, на дах вялікага арачнага збудавання, прабіў там дзірку, паведамілі эксперты. На месцы падзення праз суткі пасля інцыдэнту яшчэ адчуваўся пах гарэлага пластыка, быў бачны дым ад пажару. Шкода ад удару ацэненая як значная.
Украінскія ўлады абвінавацілі Расію ў атацы на саркафаг, Крэмль адмаўляў сваё дачыненне.
Бліжэйшым часам будуць вызвалены больш за 150 палітзняволеных39
Каментары