MAHATE vystupiła z zajavaju nakont situacyi kala ČAES paśla ŭdaru dronam
Ekśpierty MAHATE abśledavali miesca ŭdaru bieśpiłotnika pa sarkafahu nad reštkami reaktara Čarnobylskaj AES i nie zafiksavali pavyšeńnia ŭzroŭniu radyjacyi, havorycca ŭ zajavie na sajcie arhanizacyi.
Mižnarodnaje ahienctva pa atamnaj enierhii zrabiła zajavu nakont nastupstvaŭ udaru rasijskaha bieśpiłotnika pa sarkafahu na ČAES, adznačyŭšy, što, niahledziačy na značnyja paškodžańni, uzrovień radyjacyi na abjekcie nie źmianiŭsia.
U zajavie adznačajecca, što kamanda MAHATE, jakaja bazujecca na miescy zdareńnia, atrymała nieabmiežavany dostup da miesca vybuchu i praviała detalovy ahlad paškodžańniaŭ abjekta, jaki atakavaŭ dron.
«Ukrainskija pažarnyja kruhłasutačna pracavali ŭ maroznaje nadvorje, kab poŭnaściu patušyć nievialikija pažary, jakija ŭsio jašče tlejuć paśla piatničnaha ŭdaru bieśpiłotnika pa budynku, jaki źmiaščaje reštki reaktara, razburanaha padčas avaryi na Čarnobylskaj AES u 1986», — zajaviŭ dyrektar ahienctva Rafael Hrosi.
U MAHATE paviedamlajuć, što, niahledziačy na značnyja paškodžańni, vyklikanyja ŭdaram bieśpiłotnika, uzrovień radyjacyi na abjekcie nie źmianiŭsia.
Udarny bieśpiłotnik, jaki ŭpaŭ ranicaj piatnicy, 14 lutaha, na dach vialikaha aračnaha zbudavańnia, prabiŭ tam dzirku, paviedamili ekśpierty. Na miescy padzieńnia praz sutki paśla incydentu jašče adčuvaŭsia pach harełaha płastyka, byŭ bačny dym ad pažaru. Škoda ad udaru acenienaja jak značnaja.
Ukrainskija ŭłady abvinavacili Rasiju ŭ atacy na sarkafah, Kreml admaŭlaŭ svajo dačynieńnie.
Ciapier čytajuć
Muzyka, malavańnie i tancy ŭ škołach i himnazijach — usio? Što viadoma pra skaračeńni nastaŭnikaŭ-estetystaŭ6
Muzyka, malavańnie i tancy ŭ škołach i himnazijach — usio? Što viadoma pra skaračeńni nastaŭnikaŭ-estetystaŭ
«Kali b ja byŭ śledčym KDB, ja b padkreśliŭ toje samaje». Fiaduta — pra schavanyja sensy «Kałasoŭ pad siarpom tvaim», uvahu siłavikoŭ da svajho rukapisu i zahadku z treciaj častkaj ramana Karatkieviča1313
Kamientary