Жыхара Магілёва, які адбіваўся ад губазікаўцаў у цывільным, будуць судзіць па расстрэльным артыкуле
62-гадовы Аляксандр Кандрычын абвінавачваецца ў замаху на забойства, гвалце ў адносінах міліцыянера і ў незаконным абароце зброі.
У Магілёўскім абласным судзе 11 лютага 2025 года пачнецца працэс над 62-гадовым жыхаром Магілёва Аляксандрам Кандрычыным. Суд будзе закрыты.
Кандрычын — той самы магілёвец, які 23 верасня 2024 года адбіваўся з нажом ад губазікаўцаў, апранутых у цывільнае.
Па версіі міліцыі, да яго падышлі «для прафілактычнай размовы» — хоць па заканадаўстве пасярод вуліцы не можа адбывацца падобных юрыдычных дзеянняў. Магчыма, яго спрабавалі затрымаць. Што адбывалася далей, не да канца зразумела. Па версіі міліцыі, Кандрычын дастаў нож і стаў адбівацца: «не менш за два [ўдары аднаму губазікаўцу] і пяць удараў [другому], у тым ліку ў вобласць грудной клеткі» Сцвярджалася, што адзін з іх нібыта трапіў у рэанімацыю.
У кішэні мужчыны знайшлі самаробны пісталет, але незразумела, ці ён быў зараджаны. Кандрычын на міліцэйскім відэа казаў, што не памятае гэта.
У міліцэйскім роліку таксама паказалі кадры з ператрусу з дома магілёўца. Былі відаць розныя нажы, частка з якіх кухонныя, а таксама кнігі — адна пра манеты, другая пра выбуховыя рэчывы. Апроч таго, узгадвалася, што ў мужчыны былі кнігі па псіхалогіі і «экстрэмісцкая літаратура» — магчыма, гаворка пра перадвыбарчы плакат Святланы Ціханоўскай.
У выніку Кандрычыну выставілі абвінавачванне па трох артыкулах Крымінальнага кодэксу:
- 295 ч. 2 — Незаконныя дзеянні ў дачыненні да агнястрэльнай зброі, боепрыпасаў і выбуховых рэчываў (пакаранне ад выпраўленчых прац да 7 гадоў калоніі).
- 364 — Гвалт або пагроза прымянення гвалту ў дачыненні да супрацоўніка органаў унутраных спраў (пакаранне ад арышту да 7 гадоў калоніі).
- 139 ч. 2 — Забойства (пакаранне ад 8 гадоў да расстрэлу).
Чаму на магілёўца завялі справу за забойства, хоць ён нікога не забіў? Логіка пракуратуры ў тым, што ён нібыта здзейсніў замах на забойства (бо нанёс удар у жыццёва важны орган), але не давёў задуму да канца па незалежных ад сябе абставінах — бо на яго наваліліся і забралі нож. Таму фармальна яму пагражае такое самое пакаранне, як і за жорсткае забойства — аж да пажыццёвага зняволення ці расстрэлу.
Суддзя — Васіль Галкоўскі. Да 2024 года ён працаваў у судзе Бабруйска, а пасля пайшоў на павышэнне ў Магілёўскі абласны суд.
Цяпер чытаюць
Беларус, які ваяваў за Украіну, распавёў, чым яго зачаравала каханка Іна Кардаш, агентка КДБ1
Беларус, які ваяваў за Украіну, распавёў, чым яго зачаравала каханка Іна Кардаш, агентка КДБ
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»2929
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»29
Учора — у лукашэнкаўскай турме, сёння — у Кіеве дапамагае ўкраінцам выжыць. Былы палітвязень і сваяк Ціханоўскай стаў валанцёрам у Пункце нязломнасці66
Учора — у лукашэнкаўскай турме, сёння — у Кіеве дапамагае ўкраінцам выжыць. Былы палітвязень і сваяк Ціханоўскай стаў валанцёрам у Пункце нязломнасці6
Хочаце жыць доўга — шукайце раён з нармальнымі дрэвамі. Навукоўцы высветлілі, што дрэвы ратуюць ад інфарктаў, а газоны могуць нават нашкодзіць здароўю44
Каментары