Мінімальную пенсію беларускага іпэшніка назвалі ў Мінпрацы. Гэта маленькія грошы
Міністэрства працы і сацыяльнай абароны расказала пра пенсіі для індывідуальных прадпрымальнікаў (ІП), якія робяць мінімальныя ўзносы ў Фонд сацыяльнай абароны насельніцтва (ФСАН) цягам 20 гадоў, піша Tochka.by.
Памер пенсійных выплат для кожнага грамадзяніна, уключаючы ІП, залежыць ад стажу і ўзроўню даходаў, з якіх рабіліся ўзносы. Таксама на канчатковы памер пенсіі могуць уплываць надбаўкі, напрыклад, для інвалідаў I групы ці пенсіянераў старэй за 75 гадоў.
Што датычыцца ўзносаў у ФСАН, іх мінімальны ўзровень павінен складаць не менш за 35% ад велічыні мінімальнай заработнай платы. З 1 студзеня 2025 года мінімальная заработная плата павялічылася на 100 рублёў у параўнанні з 2024 годам і цяпер складае 726 рублёў.
Паводле разлікаў, гадавы мінімум выплат у ФСАН для ІП складзе 3049,2 рубля.
«Калі вы не менш за 20 гадоў сплачвалі ўзносы з даходу, які не перавышае мінімальную заработную плату, то вы фармуеце права толькі на мінімальную працоўную пенсію па ўзросце — сёння гэта 460 рублёў,» — падкрэслілі ў міністэрстве.
Акрамя таго, там звярнулі ўвагу на тое, што прадпрымальнікі маюць магчымасць павысіць сваю будучую пенсію шляхам добраахвотных адлічэнняў у ФСАН звыш устаноўленых мінімальных сум.
«Чым вышэй даход і ўзносы з яго, тым вышэйшая будучая пенсія,» — дадалі ў Мінпрацы.
Таксама адзначылі, што ў стаж уключаюцца толькі тыя перыяды, калі ў фонд ФСАН рабіліся ўзносы.
-
«Я адразу закахалася ў ягоныя вочы». Жонка-украінка і сябар расказваюць пра загінулага беларускага добраахвотніка Васіля «Дзіра» Рапіцкага
-
Качанава абмеркавала са спікерам парламента Азербайжана сітуацыю на Блізкім Усходзе і ўдар па Нахічэвані
-
29‑гадовую мадэль і псіхолага з Гомеля асудзілі за палітыку. Меркавана, за Гаюна
Цяпер чытаюць
Беларуска кліча на вяселле зорку «Універа», які за вайну. Упрэгся ўвесь Threads10
Каментары