Minimalnuju piensiju biełaruskaha ipešnika nazvali ŭ Minpracy. Heta maleńkija hrošy
Ministerstva pracy i sacyjalnaj abarony raskazała pra piensii dla indyvidualnych pradprymalnikaŭ (IP), jakija robiać minimalnyja ŭznosy ŭ Fond sacyjalnaj abarony nasielnictva (FSAN) ciaham 20 hadoŭ, piša Tochka.by.
Pamier piensijnych vypłat dla kožnaha hramadzianina, uklučajučy IP, zaležyć ad stažu i ŭzroŭniu dachodaŭ, ź jakich rabilisia ŭznosy. Taksama na kančatkovy pamier piensii mohuć upłyvać nadbaŭki, naprykład, dla invalidaŭ I hrupy ci piensijanieraŭ starej za 75 hadoŭ.
Što datyčycca ŭznosaŭ u FSAN, ich minimalny ŭzrovień pavinien składać nie mienš za 35% ad vieličyni minimalnaj zarabotnaj płaty. Z 1 studzienia 2025 hoda minimalnaja zarabotnaja płata pavialičyłasia na 100 rubloŭ u paraŭnańni z 2024 hodam i ciapier składaje 726 rubloŭ.
Pavodle raźlikaŭ, hadavy minimum vypłat u FSAN dla IP składzie 3049,2 rubla.
«Kali vy nie mienš za 20 hadoŭ spłačvali ŭznosy z dachodu, jaki nie pieravyšaje minimalnuju zarabotnuju płatu, to vy farmujecie prava tolki na minimalnuju pracoŭnuju piensiju pa ŭzroście — siońnia heta 460 rubloŭ,» — padkreślili ŭ ministerstvie.
Akramia taho, tam źviarnuli ŭvahu na toje, što pradprymalniki majuć mahčymaść pavysić svaju budučuju piensiju šlacham dobraachvotnych adličeńniaŭ u FSAN zvyš ustanoŭlenych minimalnych sum.
«Čym vyšej dachod i ŭznosy ź jaho, tym vyšejšaja budučaja piensija,» — dadali ŭ Minpracy.
Taksama adznačyli, što ŭ staž uklučajucca tolki tyja pieryjady, kali ŭ fond FSAN rabilisia ŭznosy.
Anžalika Mielnikava tydzień praviała na Šry-Łancy i vylecieła ź dziećmi ŭ Dubaj37
Anžalika Mielnikava tydzień praviała na Šry-Łancy i vylecieła ź dziećmi ŭ Dubaj
Doktarku Alenu Mikałajevu padčas vajny adpravili na Vaładarku za dapamohu habrejam — u XXI stahodździ tam ža apyniecca jaje praŭnučka Maryna Zołatava33
Kamientary