Метэарыт упаў у Мінскай вобласці. Ахвотныя могуць далучыцца да пошукаў
25 снежня а 17:29:15, калі неба яшчэ заставалася светлым, тры камеры Беларускай метэорнай сеткі зафіксавалі супербалід з яркасцю, блізкай да поўні. Ён праляцеў над Мінскам і прызямліўся паблізу Смалявічаў у выглядзе метэарыта, піша kraj.by
Агульная маса выпалага метэарытнага рэчыва ацэньваецца ў некалькі кілаграмаў.
Разлічана траекторыя палёту метэарыта і верагоднае поле яго выпадзення. Фрагменты метэарыта меркавана выпалі па лініі вёсак: Рабы Слуп (10—50 грам), Прысынак (50—150 г), Калюга (150—300 г), Чорны лес (300—500 г), Высокія Ляды (500 г — 1 кг).
Мясцовым жыхарам прапануецца звяртаць увагу на незвычайныя камяні розных памераў, якія могуць ляжаць на паверхні. Метэарыт можа мець наступныя характарыстыкі:
- чорная апаленая корка з расколінамі або сколамі.
- чорная матавая або карычневая ржавая паверхня.
- ён прыцягваецца магнітам, шчыльны і не рыхлы.
Сведчанні падзення і фотаздымкі знойдзеных камянёў, якія нагадваюць метэарыт, просьба дасылаць на электронную пошту Мінскага Планетарыя [email protected] або ў Telegram-групу. Таксама пажадана запісваць і дзяліцца GPS-трэкамі пошукаў.
Знойдзены метэарыт мае вялікае навуковае значэнне і можа стаць шостым вядомым метэарытам на тэрыторыі Беларусі.
19 студзеня з дапамогай валанцёраў ужо былі арганізаваны першыя пошукі.
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі21
Каментары