У інтэрнэце разляцеўся фэйк пра атручэнне ў Маскве сірыйскага дыктатара Башара Асада
Руку да яго прыклаў той жа «інсайдар», які паведамляў пра труп Пуціна ў халадзільніку.
31 снежня канспіралагічны тэлеграм-канал «Генерал СВР» (яго вядзе расійскі палітолаг Валерый Салавей) напісаў, што на былога прэзідэнта Сірыі Башара Асада нібыта здзейснілі замах.
«Днём у нядзелю Асад паскардзіўся ахове на недамаганне і праблемы з дыханнем і папрасіў выклікаць медыцынскую дапамогу. Практычна адразу пасля просьбы ў яго пачаўся моцны кашаль, ён пачаў задыхацца. Асаду далі вады і гэта дапамагло трохі аслабіць прыступ, але нармальнае дыханне ўсё роўна не аднавілася, да гэтага дадаліся галаўны боль і болі ў жываце. Да моманту прыбыцця медыкаў стан былога сірыйскага прэзідэнта пагаршаўся».
«Пакуль медыкі аказвалі Асаду першую дапамогу, паступіла распараджэнне — па меры магчымасці лячыць у хатніх умовах і не змяшчаць «пацыента» ў лячэбныя ўстановы. Пасля аказання першай дапамогі да медыкаў прыбыло «падмацаванне» і ў апартаментах Асада абсталявалі лячэбную палату», — напісаў канал.
Згадвалася, што аналізы Асада нібыта паказалі наяўнасць у яго арганізме слядоў уздзеяння атрутным рэчывам.
Гэты фэйк падхапіў брытанскі таблоід The Sun, а пасля і некаторыя іншыя медыя.
Нагадаем, раней «Генерал СВР» расказваў неверагодную гісторыю пра смерць Пуціна. Ён паведамляў, што кіраўнік Расіі памёр і яго цела ляжыць у халадзільніку.
Пасля Валерый Салавей сказаў, што так спрабаваў «даць акно магчымасцяў расійскай апазіцыі для перамен і напіраць на факт нелегітымнасці выбараў двайніка ў сакавіку 2024 года».
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»20
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары