Śviet11

U internecie raźlacieŭsia fejk pra atručeńnie ŭ Maskvie siryjskaha dyktatara Bašara Asada

Ruku da jaho prykłaŭ toj ža «insajdar», jaki paviedamlaŭ pra trup Pucina ŭ chaładzilniku.

Bašar Asad. Fota: SANA FILE via AP

31 śniežnia kanśpirałahičny telehram-kanał «Hienierał SVR» (jaho viadzie rasijski palitołah Valeryj Sałaviej) napisaŭ, što na byłoha prezidenta Siryi Bašara Asada nibyta ździejśnili zamach.

«Dniom u niadzielu Asad paskardziŭsia achovie na niedamahańnie i prablemy z dychańniem i paprasiŭ vyklikać miedycynskuju dapamohu. Praktyčna adrazu paśla prośby ŭ jaho pačaŭsia mocny kašal, jon pačaŭ zadychacca. Asadu dali vady i heta dapamahło trochi asłabić prystup, ale narmalnaje dychańnie ŭsio roŭna nie adnaviłasia, da hetaha dadalisia hałaŭny bol i boli ŭ žyvacie. Da momantu prybyćcia miedykaŭ stan byłoha siryjskaha prezidenta paharšaŭsia».

«Pakul miedyki akazvali Asadu pieršuju dapamohu, pastupiła rasparadžeńnie — pa miery mahčymaści lačyć u chatnich umovach i nie źmiaščać «pacyjenta» ŭ lačebnyja ŭstanovy. Paśla akazańnia pieršaj dapamohi da miedykaŭ prybyło «padmacavańnie» i ŭ apartamientach Asada abstalavali lačebnuju pałatu», — napisaŭ kanał.

Zhadvałasia, što analizy Asada nibyta pakazali najaŭnaść u jaho arhaniźmie śladoŭ uździejańnia atrutnym rečyvam. 

Hety fejk padchapiŭ brytanski tabłoid The Sun, a paśla i niekatoryja inšyja miedyja.

Skrynšot naviny pra «atručvańnie Asada» na sajcie tabłoida The Sun

Nahadajem, raniej «Hienierał SVR» raskazvaŭ nievierahodnuju historyju pra śmierć Pucina. Jon paviedamlaŭ, što kiraŭnik Rasii pamior i jaho cieła lažyć u chaładzilniku.

Paśla Valeryj Sałaviej skazaŭ, što tak sprabavaŭ «dać akno mahčymaściaŭ rasijskaj apazicyi dla pieramien i napirać na fakt nielehitymnaści vybaraŭ dvajnika ŭ sakaviku 2024 hoda».

Kamientary1

  • Nie paniatna
    02.01.2025
    Kamu hety kryvavy kantraceptyŭ zaraz cikavy?

Ciapier čytajuć

Tramp uchvaliŭ płan ataki na Iran, ale pakul ustrymlivajecca ad zahadu

Tramp uchvaliŭ płan ataki na Iran, ale pakul ustrymlivajecca ad zahadu

Usie naviny →
Usie naviny

Stała viadoma, z kim zhulajuć biełaruskija kłuby ŭ druhim raŭndzie Lihi kanfierencyj1

Samit G7 skončyŭsia biez zajavy pra Ukrainu. Zialenski i Tramp pakinuli jaho daterminova4

Tajamničy fond Łukašenki stvaryŭ strukturu ŭ Rasii4

«Miesiac biez pracy — daražej». Ci možna zapłacić $5 tysiač i atrymać ofier?1

«Liču, što zasłužyŭ prava vykazacca». Adstaŭny padpałkoŭnik biełaruskaj milicyi viarnuŭ miedal i pajšoŭ vajavać za Ukrainu10

U ZŠA daktary adklučyli ad aparata 31-hadovuju amierykanku — jana naradziła ŭ komie3

Ad iranskaha rakietnaha ŭdaru ŭ Izraili zahinuła siamja z Ukrainy, jakaja pryjechała lačyć siamihadovuju dačku ad lejkiemii2

Fardo — hałoŭny jadzierny abjekt Irana. Što pra jaho viadoma?5

Na Kamaroŭcy źjavilisia pieršyja čarnicy

bolš čytanych navin
bolš łajkanych navin

Tramp uchvaliŭ płan ataki na Iran, ale pakul ustrymlivajecca ad zahadu

Tramp uchvaliŭ płan ataki na Iran, ale pakul ustrymlivajecca ad zahadu

Hałoŭnaje
Usie naviny →

Zaŭvaha:

 

 

 

 

Zakryć Paviedamić