«Усё было дамоўлена і ўсё было зроблена для таго, каб ён паляцеў. Ён не захацеў», — сцвярджае рэжысёр Мікалай Халезін.
У выпуску ТОКу вядомы рэжысёр Мікалай Халезін расказаў пра магчымасць, якую не выкарыстоўвае Лукашэнка.
«Калі б Лукашэнка быў больш разумным… Усё было дамоўлена і ўсё было зроблена для таго, каб ён адляцеў [з Беларусі] у 2020 годзе. Ён не захацеў. Яго нават дзеці ўгаворвалі. Ва ўсякім разе, двое з іх. Я ведаю. (…) Каб ён прыняў рашэнне вылецець, ён бы жыў цяпер у якіх-небудзь Эміратах».
Рэжысёр не выключае магчымасці рэалізацыі такога сцэнарыю і ў сённяшніх умовах, хаця не ведае, з кім з атачэння дыктатара можна весці размовы на гэты конт:
«Я проста не магу ўявіць, з кім можна весці перамовы пра яго адлёт. (…) Калі б рашыўся, то нават зараз можна было б гэта ўсё прагаварыць».
Халезін адзначае, што такі варыянт не з'яўляецца ўнікальным. Ён сцвярджае, што ведае чалавека, які дапамог лідарам чатырох краін Афрыкі бяспечна пакінуць свае пасады:
«Ён нарадзіўся ў Афрыцы, ён вельмі багаты. Ужо чатырох дыктатараў афрыканскіх праводзіў на пенсію, арганізоўваў ім зону жыцця, бяспеку, фінансаванне і гэтак далей.
І гэта аказвалася заўсёды выйгрышна для людзей, пры тым што ненавідзелі іх лютай нянавісцю. Але ім дазвалялася [адляцець] цаной таго, што яны больш нікога не заб'юць».
Аднак у выпадку Лукашэнкі гэты падыход можа не спрацаваць, бо ёсць адна ўмова, якую яму будзе цяжка выканаць:
«Там адна ёсць дамоўленасць — што чалавек не мусіць больш даваць ніколі ніякіх інтэрв'ю. А наш папугай не зможа. Ён не можа маўчаць увогуле. Ён пачне шукаць [магчымасць], пачне лезці ў расійскія справы, у чые б там ні было і гэтак далей. Хаця… Ужо такое здароўе, што, можа, ужо на адзін хакейны перыяд засталося ў яго здароўя».
Глядзіце цалкам:
У Магілёве на доме, які аддалі пад расійскае пасольства, замалявалі мурал з «Пагоняй». Хоць экспертыза забараняла гэта рабіць15
У Магілёве на доме, які аддалі пад расійскае пасольства, замалявалі мурал з «Пагоняй». Хоць экспертыза забараняла гэта рабіць
У Быхаве паставілі выродлівы помнік жанчыне. Разам са скульптурай у Касцюковічах ён можа стаць сімвалам культурнай дэградацыі Беларусі пры Лукашэнку5959
Каментары