«Usio było damoŭlena i ŭsio było zroblena dla taho, kab jon palacieŭ. Jon nie zachacieŭ», — śćviardžaje režysior Mikałaj Chalezin.
U vypusku TOKu viadomy režysior Mikałaj Chalezin raskazaŭ pra mahčymaść, jakuju nie vykarystoŭvaje Łukašenka.
«Kali b Łukašenka byŭ bolš razumnym… Usio było damoŭlena i ŭsio było zroblena dla taho, kab jon adlacieŭ [ź Biełarusi] u 2020 hodzie. Jon nie zachacieŭ. Jaho navat dzieci ŭhavorvali. Va ŭsiakim razie, dvoje ź ich. Ja viedaju. (…) Kab jon pryniaŭ rašeńnie vylecieć, jon by žyŭ ciapier u jakich-niebudź Emiratach».
Režysior nie vyklučaje mahčymaści realizacyi takoha scenaryju i ŭ siońniašnich umovach, chacia nie viedaje, z kim z atačeńnia dyktatara možna vieści razmovy na hety kont:
«Ja prosta nie mahu ŭjavić, z kim možna vieści pieramovy pra jaho adlot. (…) Kali b rašyŭsia, to navat zaraz možna było b heta ŭsio prahavaryć».
Chalezin adznačaje, što taki varyjant nie źjaŭlajecca ŭnikalnym. Jon śćviardžaje, što viedaje čałavieka, jaki dapamoh lidaram čatyroch krain Afryki biaśpiečna pakinuć svaje pasady:
«Jon naradziŭsia ŭ Afrycy, jon vielmi bahaty. Užo čatyroch dyktataraŭ afrykanskich pravodziŭ na piensiju, arhanizoŭvaŭ im zonu žyćcia, biaśpieku, finansavańnie i hetak dalej.
I heta akazvałasia zaŭsiody vyjhryšna dla ludziej, pry tym što nienavidzieli ich lutaj nianaviściu. Ale im dazvalałasia [adlacieć] canoj taho, što jany bolš nikoha nie zabjuć».
Adnak u vypadku Łukašenki hety padychod moža nie spracavać, bo jość adna ŭmova, jakuju jamu budzie ciažka vykanać:
«Tam adna jość damoŭlenaść — što čałaviek nie musić bolš davać nikoli nijakich intervju. A naš papuhaj nie zmoža. Jon nie moža maŭčać uvohule. Jon pačnie šukać [mahčymaść], pačnie leźci ŭ rasijskija spravy, u čyje b tam ni było i hetak dalej. Chacia… Užo takoje zdaroŭje, što, moža, užo na adzin chakiejny pieryjad zastałosia ŭ jaho zdaroŭja».
Hladzicie całkam:
Imunitet, achova, zarobak, vyzvaleńnie ad padatkaŭ. Apublikavany pieralik harantyj dla eks-prezidentaŭ Biełarusi
Chalezin parazvažaŭ pra fienomien łukašyzmu: Usie my ździvimsia, jak imhnienna zabuduć pra Łukašenku
Chalezin zhadaŭ, jak Łukašenka napiaredadni refierendumu 1996 hoda sprabavaŭ kupić žurnalistaŭ
Zatrymali čarhovaha čałavieka hoda Viciebščyny, deputata Viciebskaha abłsavieta Dźmitryja Kalahu7
Zatrymali čarhovaha čałavieka hoda Viciebščyny, deputata Viciebskaha abłsavieta Dźmitryja Kalahu
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich1919
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich19
«Da lejtenanta pryjechała maładaja žonka, pabačyła, što adbyvajecca ŭ zonie, i zastreliłasia». Vyjšła zaklučnaja častka ŭspaminaŭ Ryhora Biarozkina pra HUŁAH i saviecki Minsk1818
Kamientary