Канал «Россия» расказаў, як сямейная пара расейцаў з тату на твары пакутуе ў Польшчы. А гэта беларусы, і ў іх усё добра
Беларусы Мая і Аўгуст Лунарэс — сямейная пара з Беларусі, якая цяпер жыве ў Польшчы. Маладзёны вядуць лайфстайл тыкток і тэлеграм, дзе расказваюць пра жыццё ў эміграцыі. У прыватнасці, дзеляцца ўражаннямі ад працэсу пошуку працы, калі ў цябе нефармальная знешнасць.
У Маі і Аўгуста на целе толькі адных парных — 16 татуіровак. Малюнкі разам з пірсінгам пакрываюць і твар, але, па словах пары, іх знешні выгляд ніколі не рабіўся прычынай адмоваў у працы.
«За ўсё жыццё ў нас ні разу не было сітуацыі, каб нам адмовілі ў працы. Мы самі адмаўляемся ад вакансіі ці звальняемся. За 1,5 года [у эміграцыі] былі толькі дзве сітуацыі з пірсінгам: першая — на складзе Zara, таму што там з пірсінгам нельга. Другая — на заводзе, на які мы спрабавалі ўладкавацца — там таксама нельга насіць біжутэрыю па правілах бяспекі. І мы самі адмовіліся ад вакансій там, таму што не гатовыя здымаць пірсінг дзеля працы», — расказалі маладзёны.
Гэтай тэме пара прысвяціла і асобны ролік у сваім тыктоку пасля таго, як пра іх выпусцілі сюжэт на расійскім тэлебачанні, назваўшы рэлакантамі з Расіі, якія з'ехалі ў Еўропу ў пошуках лепшага жыцця. У роліку сцвярджалася, што да дзяўчыны і хлопца палякі ставяцца дрэнна і не даюць ім працу акурат праз знешні выгляд.
У будучыні сям'я марыць адкрыць уласны тату-салон. Абое працавалі майстрамі і нават пазнаёміліся ў тату-салоне: Аўгуст прыйшоў да Маі на сеанс, потым на чарговы, так і закруціўся раман, які аформіўся ў шлюб. Але на дадзены момант яны хочуць папрацаваць на «звычайных» працах, каб накапіць на вандроўку мары.
Наталля Пяткевіч: Тыкток стаў нашай ядзернай зброяй
«Можна ўзяць аўтамат і перасекчы мяжу?» Павук спытаў у памежнікаў, ці законна расійскія войскі ў 2022 годзе перайшлі беларуска-ўкраінскую мяжу
Яшчэ каля 800 беларусаў дадалі ў расійскую базу вышуку за паўгода. Праверце сябе і блізкіх
«Чыловы хлопец» дабраўся і да Беларусі. Што гэта за мем?
Цяпер чытаюць
Блогер Сярога з Расіі прыехаў на Зыбіцкую з каханай блогеркай Анечкай. Вынік: збіты ім беларус у коме, а Сярога на 5,5 года за кратамі10
Каментары