«Яго ўзялі з доказамі».
Міністр прыродных рэсурсаў і аховы навакольнага асяроддзя Беларусі Сяргей Масляк знаходзіцца ў СІЗА па абвінавачанні ў хабарніцтве. Пра гэта Аляксандр Лукашэнка заявіў на нарадзе аб мерах па выключэнні неабгрунтаванага і нядобрасумленнага пасярэдніцтва, піша БелТА.
«Яго ўзялі з доказамі. Я вас папярэджваў, што мы ж там не хапаем на вуліцы каго заўгодна. Швед [старшыня Вярхоўнага суда і былы генеральны пракурор Беларусі Андрэй Швед], а цяпер Гара Дзмітрый Юр’евіч [цяперашні генеральны пракурор] гэта жорстка кантралююць. Калі трэба — дакладуць», — сказаў Лукашэнка.
Масляк узначальваў Мінпрыроды з 22 красавіка 2024 года. Яшчэ 7 сакавіка 2026 года яго бачылі на Мінскай лыжні.
Сяргей Масляк нарадзіўся ў 1980 годзе ў Мінску. Скончыў Беларускі дзяржаўны тэхналагічны ўніверсітэт, Інстытут турызму Беларускага дзяржаўнага ўніверсітэта фізічнай культуры і Акадэмію кіравання пры Лукашэнку.
Да міністэрства ў розныя гады працаваў у Валмянскім лясніцтве, прадпрыемстве «Белгіпралес», пасля ў Зелянбудзе і адміністрацыі Заводскага раёна Мінска.
З 2015 па 2019 год быў старшынёй Мінскага гарадскога камітэта прыродных рэсурсаў і аховы навакольнага асяроддзя, з 2019 па 2024 — кіраўніком адміністрацыі Заводскага раёна Мінска.
Цяпер чытаюць
Замест парэшткаў Вітаўта за сцяной Віленскай катэдры знайшлі толькі кучу камянёў. Але ўлады Літвы гатовыя выдаткаваць на працяг пошукаў яшчэ 1,5 мільёна еўра2929
Каментары