Вынікі новага даследавання паказалі, што папулярныя прэпараты для зніжэння вагі паспяхова змагаюцца з расстройствамі, звязанымі з ужываннем алкаголю.
Вынікі новага даследавання, праведзенага вучонымі з Фінляндыі і Швецыі, паказала, што прэпараты Ozempic, Wegovy і Victoz, якія імітуюць гармон GLP-1 і ў першую чаргу накіраваны на лячэнне цукровага дыябету другой ступні і атлусцення, могуць дапамагчы з алкагольнай залежнасцю.
Як пішуць аўтары ў сваім артыкуле ў часопісе JAMA Psychiatry, яны прааналізавалі медыцынскія запісы 228 тысяч чалавек з дыягназам «расстройства, звязанае з ужываннем алкаголю» за перыяд з 2006 па 2023 год. Ва ўсіх гэтых пацыентаў таксама было атлусценне ці дыябет другога тыпу.
Даследаванне выявіла цікавы эфект семаглутыду (актыўны інгрэдыент у Ozempic і Wegovy) і ліраглутыду (актыўны інгрэдыент у Victoza) на спажыванне алкаголю і звязаныя з ім праблемы. Так, людзі, якія іх прымалі, ужывалі менш алкаголю і радзей траплялі ў бальніцу па прычынах, звязаных з празмерным ужываннем алкаголю, чым іх равеснікі, якія не выкарыстоўвалі гэтыя прэпараты.
Аўтары адзначаюць, што эфектыўнасць прэпаратаў з семаглутыдам ці ліраглутыдам аказалася вышэйшай, чым у стандартных лекаў, спецыяльна прызначаных для лячэння алкагольнай залежнасці.
Так, сярод 4321 чалавека, які выкарыстоўваў GLP-1 прэпараты, якія змяшчаюць семаглутыд, толькі 222 чалавека (5%) былі шпіталізаваны па прычынах, звязаным з ужываннем алкаголю. Гэта значна менш, чым у тых, хто прымаў адмысловыя лекі для лячэння залежнасці. Там такіх выпадкаў было 40%.
Як піша Forbes, вынікі іншага даследавання, апублікаваныя ў часопісе Addiction, паказалі, што
ў пацыентаў з алкагольнай залежнасцю, якія прымалі прэпараты класа GLP-1, эпізоды запойнага п'янства адбываліся на 50% радзей, чым у іншых удзельнікаў. Акрамя таго, у людзей з апіёіднай залежнасцю верагоднасць перадазіроўкі знізілася на 40%.
Навукоўцы мяркуюць, што такі эфект GLP-1-прэпаратаў можна патлумачыць іх уплывам на вобласці мозгу, звязаныя з выпрацоўкай дафаміну. GLP-1 зніжае выпрацоўку гэтага «гармону задавальнення», што прыводзіць да аслаблення адыктыўных паводзін.
Аўтары папярэджваюць, што атрыманыя вынікі неабходна інтэрпрэтаваць з асцярожнасцю. Для таго, каб гаварыць з упэўненасцю, патрэбны дадатковыя клінічныя выпрабаванні.
Папулярныя прэпараты Ozempic і Wegovy справакавалі зусім нечаканы эфект у жанчын
На чорным рынку з'явіўся падроблены Ozempic — вельмі небяспечны для здароўя
У ЗША фармацэўтычныя кампаніі заплацяць сотні мільёнаў штрафаў за продаж прэпаратаў, якія рабілі людзей наркаманамі
7 моцных міфаў пра алкаголь
Дацкі фармгігант захоплівае свет лекамі ад атлусцення, але эканоміка Даніі пад пагрозай. Як так?
Цяпер чытаюць
Анжаліка Мельнікава тыдзень правяла на Шры-Ланцы і вылецела з дзецьмі ў Дубай6
Каментары