Таксама візы могуць уведзеныя для грамадзян Расіі і Кітая.
Чарнагорыя ў найбліжэйшы час увядзе візы для грамадзян Расіі і Беларусі, каб пачаць істотныя рэформы ў сферы візавай палітыкі, у тым ліку выкананне правілаў, якія дзейнічаюць у Шэнгенскай зоне, паведамляе Dan са спасылкай на крыніцы ва ўрадзе Чарнагорыі.
Калі Чарнагорыя ўвядзе візавыя патрабаванні для Расіі і Беларусі, гэта можа паўплываць на прыток расійскіх турыстаў і рэзідэнтаў, а таксама на іх значны ўклад у эканоміку. Аднак адаптацыя да шэнгенскай палітыкі неабходная для рэалізацыі імкнення Чарнагорыі да еўрапейскай інтэграцыі.
Застаецца верагоднасць таго, што Чарнагорыя будзе шукаць канкрэтныя дамоўленасці для асобных краін падчас перамоваў аб далучэнні, але шанцы на згоду ЕС на больш сур'ёзныя адхіленні адносна невялікія.
Каментары