Зяленскі расчараваны, што ЗША выдалі канфідэнцыйную інфармацыю пра просьбу Украінай «Тамагаўкаў»
Прэзідэнт Украіны Уладзімір Зяленскі пацвердзіў, што Украіна ў ягоным «Плане перамогі» прасіла забяспечыць яе дальнабойным узбраеннем, у прыватнасці, дальнабойнымі крылатымі ракетамі Tomahawk, але гэта была канфідэнцыйная інфармацыя паміж Украінай і Белым домам. Пра гэта ён заявіў у інтэрв'ю прадстаўнікам вядучых СМІ краін Паўночнай Еўропы, піша «Украінская праўда».
«Калі мы ўздымалі тэму, напрыклад, пра дальнабойную зброю. Адносна дазволу для Украіны выкарыстоўваць яе па вайсковых цэлях на тэрыторыі Расіі некаторыя краіны вырашылі, што гэта скрыжаванне чырвоных ліній…
Калі я папрасіў іх (партнёраў — рэд.) у Плане перамогі даць мне пакет дальнабойнага ўзбраення, і мы яго выкарыстаем толькі ў тым выпадку, калі Расія не спыніць вайну і працягне эскалацыю. Я сказаў, што гэта прэвентыўны метад. Мне адказалі, што гэта эскалацыя.
Калі многія краіны пачалі падтрымліваць План перамогі — яны сказалі, што Украіна хоча ці хацела атрымаць шмат ракет, такіх як «Тамагаўкі», і гэтак далей.
Але гэта была канфідэнцыйная інфармацыя паміж Украінай і Белым домам. Як разумець гэтыя паведамленні? Такім чынам, гэта азначае, што паміж партнёрамі няма нічога канфідэнцыйнага».
Па словах Зяленскага, паўночнакарэйскія салдаты на ўкраінскім фронце — гэта і ёсць эскалацыя з боку Расіі. І Украіна не мае магчымасці спыніць іх, пакуль яны на тэрыторыі Расіі.
Прэзідэнт Украіны заявіў, што гэта чамусьці рытарычнае пытанне, што будуць рабіць заходнія партнёры, калі 100 тысяч салдат з Паўночнай Карэі вырашаць напасці на Украіну пад кіраўніцтвам Расіі. Ён паскардзіўся, што ў гэтым пытанні сусветныя лідары і партнёры Украіны не прымаюць ніякіх рашучых дзеянняў.
Бяспалаў канчаткова рассварыўся з Ціханоўскім: Для яго добры толькі адзін чалавек — Пракоп'еў55
Каментары