Беларуская гадзіннікавая мануфактура Hvilina разам з даследчыцай беларускай міфалогіі Ірынай Клімковіч выпусціла зборнік міфаў пра Сонца і Месяц, сабраных у розных рэгіёнах Беларусі, піша Citydog.io.
Зборнік уключае ў сябе міфы і легенды, якія перадаваліся з пакалення ў пакаленне і расказваюць, як старажытныя беларусы тлумачылі прыродныя з’явы і будавалі свае традыцыі на аснове гэтых міфаў.
У кнізе ёсць сюжэты пра Сонца, Месяц, планету Венеру і іншыя нябесныя свяцілы, пра сувязь міфалогіі з каляндарнымі святамі і звычаямі, а таксама інфармацыя пра тое, як міфалогія фармавала культуру і традыцыі Беларусі.
Зборнік даступны на трох мовах: беларускай, рускай і англійскай. Спампаваць яго можна па спасылцы.
Увесну, дарэчы, гадзіннікавая мануфактура Hvilina выпусціла лімітаваную калекцыю гадзін Star Chronicle пра міфы і легенды Беларусі пра Сонца і Месяц. Праект са зборнікам стаў своеасаблівым працягам супрацоўніцтва даследчыцы і мануфактуры.
Цяпер чытаюць
У Магілёве на доме, які аддалі пад расійскае пасольства, замалявалі мурал з «Пагоняй». Хоць экспертыза забараняла гэта рабіць15
У Магілёве на доме, які аддалі пад расійскае пасольства, замалявалі мурал з «Пагоняй». Хоць экспертыза забараняла гэта рабіць
У Быхаве паставілі выродлівы помнік жанчыне. Разам са скульптурай у Касцюковічах ён можа стаць сімвалам культурнай дэградацыі Беларусі пры Лукашэнку5959
Каментары