10 кастрычніка Апостальская нунцыятура ў Рэспубліцы Беларусь выдала паведамленне адносна прыняцця Папам Францішкам адмовы ад пасады дапаможнага біскупа Пінскай дыяцэзіі Казіміра Велікасельца.
«Апостальская нунцыятура ў Рэспубліцы Беларусь паведамляе, што Святы Айцец Папа Францішак прыняў адмову ад пасады дапаможнага біскупа Пінскай дыяцэзіі Яго эксцэленцыі Казіміра Велікасельца», — сказана ў дакуменце, падпісаным Часовым павераным у справах Святога Пасаду ў Беларусі ксяндзом прэлатам Кшыштафам Сэрокам.
Такім чынам, з гэтага часу найстарэйшы каталіцкі іерарх у Беларусі біскуп Казімір Велікаселец, які 5 мая наступнага года адзначыць сваё 80-годдзе, у адпаведнасці з канонам 185 Кодэкса кананічнага права, можа ўжываць тытул «эмерыт».
На пасаду дапаможнага біскупа Пінскай дыяцэзіі дамініканін Казімір Велікаселец быў менаваны Янам Паўлам II 6 мая 1999 года. 24 чэрвеня таго ж года прыняў біскупскае пасвячэнне ў Пінску. З 3 студзеня 2021 года да 23 кастрычніка 2021 года быў Апостальскім адміністратарам Мінска-Магілёўскай архідыяцэзіі.
У апошні час нёс служэнне ў Гомелі.
Цяпер чытаюць
Віктар Лукашэнка засвяціў на пасяджэнні НАК свой гадзіннік — цяжкі люкс24
Віктар Лукашэнка засвяціў на пасяджэнні НАК свой гадзіннік — цяжкі люкс
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі1818
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі18
«Час, які патрабуе надзвычайнай асцярожнасці». Польскі вундэркінд, які стаў галоўным навукоўцам OpenAI, патлумачыў, чаму менавіта зараз ШІ можа вырвацца з-пад кантролю88
Каментары