Міліцыянты затрымалі 18-гадовага мінчаніна, які карыстаўся ўразлівасцю электрасамакатаў. Паводле СК, ён нанёс шкоду кампаніі самакатаў на 33 тысячы рублёў.
Паводле МУС, хлопец стварыў 220 акаўнтаў у дадатку, да якіх прывязаў банкаўскую карту з нулявым балансам. Паколькі грошы спісваюцца пасля заканчэння паездкі, ён змог катацца бясплатна.
Такім спосабам хлопец зрабіў больш за 600 паездак. Акрамя таго, ён здаваў самакаты ў арэнду знаёмым або знаходзіў кліентаў у інтэрнэце. Такім чынам ён зарабіў каля 700 рублёў.
З часам малады чалавек настолькі паверыў у сваю беспакаранасць, што стаў пісаць скаргі ў службу падтрымкі з рознымі прэтэнзіямі.
Шкода кампаніі перавысіла 33 тысячы рублёў.
Заведзена крымінальная справа за прычыненне маёмаснай шкоды без прыкмет крадзяжу, здзейсненае ў буйным памеры
Зянковіч назваў імя правакатара, з якога пачалася справа змоўшчыкаў супраць Лукашэнкі. Яго кар'ера цяпер пайшла ўгару19
Каментары